بۇگىن قاراعاندى وبلىسىندا تاعى ءۇش ادامنىڭ كوروناۆيرۋس ينفەكتسياسىن جۇقتىرعانى زەرتحانالىق نەگىزدە انىقتالدى.
ناۋقاستاردىڭ ەكەۋى قاراعاندىنىڭ 1961 جانە 1980 جىلدارى تۋعان تۇرعىندارى. ال ءۇشىنشى پاتسيەنت تەمىرتاۋ قالاسىنان شىقتى. جاسى 59-داعى ەر ادام پروۆيزورلىق ستاتسيوناردا جاتقان ەكەن.
ىندەتكە شالدىققانداردىڭ بارلىعى جۇقپالى اۋرۋلار ستاتسيونارىنا جاتقىزىلدى.
ءساۋىردىڭ 28-ىندەگى جاعداي بويىنشا قاراعاندى وبلىسىندا COVID-19 پاندەمياسىن جۇقتىرۋدىڭ 139 وقيعاسى تىركەلگەن. ونىڭ ىشىندە ءبىر ناۋقاس كوز جۇمدى جانە 43 ادام اۋرۋدان جازىلىپ شىقتى.