شۇعىل جاعدايلاردا ونىڭ جاقىندارىنا ەسكەرتۋسىز جاسالۋى مۇمكىن
ەندىگى جەردە ەلىمىزدە ادام ورگاندارىن شۇعىل ترانسپلانتاتسيالاۋ ناۋقاس تۋىستارىنىڭ قايدا ەكەنى بەلگىسىز بولعان جاعدايدا ولارعا ەسكەرتىلمەي-اق جۇرگىزىلەتىن بولۋى ابدەن مۇمكىن. قازىر «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسكە وسىنداي وزگەرىس ەنگىزۋ ۇسىنىلىپ جاتىر.
شۇعىل جاعدايلاردا ونىڭ جاقىندارىنا ەسكەرتۋسىز جاسالۋى مۇمكىن
ەندىگى جەردە ەلىمىزدە ادام ورگاندارىن شۇعىل ترانسپلانتاتسيالاۋ ناۋقاس تۋىستارىنىڭ قايدا ەكەنى بەلگىسىز بولعان جاعدايدا ولارعا ەسكەرتىلمەي-اق جۇرگىزىلەتىن بولۋى ابدەن مۇمكىن. قازىر «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسكە وسىنداي وزگەرىس ەنگىزۋ ۇسىنىلىپ جاتىر.
«ناۋقاس تۋىستارىنىڭ نەمەسە زاڭدى وكىلدەرىنىڭ تۇرعىلىقتى جەرلەرى بەلگىسىز بولعان جاعدايدا شۇعىل ترانسپلانتاتسيالاۋ ولاردىڭ كەلىسىمىنسىز دارىگەرلەر كونسيليۋمىنىڭ شەشىمى بويىنشا جۇرگىزىلەدى. بۇل تۋرالى مەديتسينالىق قۇجاتتامادا مىندەتتى تۇردە جازىلىپ, سوڭىنان دەنساۋلىق ساقتاۋ ورگاندارى لاۋازىمدى تۇلعالارىنا جەتكىزىلەدى», دەلىنگەن كودەكسكە وزگەرىستەر جوباسى تۇساۋكەسەرى بارىسىندا ءماجىلىستە تاراتىلعان حابارلامادا.
قۇجاتتىڭ تۇساۋكەسەرىن جۇرگىزگەن دەنساۋلىق ساقتاۋ مينيسترلىگىنىڭ جاۋاپتى حاتشىسى سەرىكبول مۋسينوۆتىڭ سوزىنە قاراعاندا, جوبادا بۇدان باسقا ادامنىڭ ءومىرى مەن دەنساۋلىعى ءۇشىن قاۋىپتى اۋرۋلارى انىقتالعان تۇلعالاردىڭ, سونداي-اق ەكىقابات ايەلدەردىڭ ءتىرى دونور بولا المايتىنىن انىقتاۋ جوسپارلانعان.
ءمالىم بولعانداي, قازاقستاندا قازىر ەكى مىڭعا جۋىق ادام دونورلىق ورگاندارعا مۇقتاج. اتاپ ايتقاندا, بۇيرەكتىڭ ترانسپلانتاتسياسىنا 1609 سىرقات ءزارۋ بولسا, 80 ناۋقاس جۇرەكتى جانە 268 اۋرۋ باۋىردى اۋىستىرۋعا قاتتى ءزارۋ بولىپ وتىر. ۆەدومستۆو وكىلى سونىمەن بىرگە, وسى تۇستا رەسپۋبليكادا وتاندىق ترانسپلانتولوگيانىڭ دامۋى بارعان سايىن قارىشتى قارقىن الىپ كەلە جاتقانىنا دا ەرەكشە نازار اۋداردى. ەگەر ەلىمىزدە 2009 جىلى ورگاندار مەن سۇيەك مايىنا بار-جوعى 4 وتا جاسالعان بولسا, ولاردىڭ سانى 2012 جىلى 74-كە جەتتى, ال بيىلعى جىلدىڭ ءبىرىنشى جارتىسىندا 93-كە تولدى.
وسى رەتتە دەنساۋلىق ساقتاۋ مينيسترلىگى ەلىمىزدە ءبىرتۇتاس دونورلار رەگيسترىن قۇرۋدى جوسپارلاپ وتىر. مينيسترلىك جانىنداعى مەديتسينالىق كومەكتى ۇيىمداستىرۋ دەپارتامەنتىندەگىلەر بۇل رەگيستردە سونداي-اق دونورلىققا كەلىسىم بەرۋ جانە بەرمەۋ تىركەلىمى دە بولۋى قاراستىرىلاتىنىن ايتۋدا. دارىگەرلەر پاتسيەنتتىڭ تىلەگىن ونىڭ ءولىمى تۋرالى دەرەك رەسمي تىركەلىمگە الىنعاننان كەيىن عانا بىلە الادى. بۇل جۇيە مينيسترلىكتىڭ باسقا دا اقپاراتتىق قىزمەتىمەن بايلانىستى قورعالعان ارنالارى بويىنشا بىرلەسە جۇمىس اتقاراتىن بولادى.
رۋسلان يگىلىك.