اقمولا وبلىسىنىڭ اكىمى ەرمەك مارجىقپاەۆتىڭ توراعالىعىمەن توتەنشە جاعدايعا بايلانىستى وڭىرلىك جەدەل شتابتىڭ كەزەكتى وتىرىسى وتكىزىپ, قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ ەلىمىزدەگى توتەنشە جاعدايعا بايلانىستى جاساعان مالىمدەمەسىنە وراي وڭىرىمىزدە اتقارىلۋعا ءتيىستى شارالاردى پىسىقتادى.
– بۇگىن ەل پرەزيدەنتى قاسىم-جومارت توقاەۆ كورونوۆيرۋس پاندەمياسىنا بايلانىستى جاريالانعان كارانتين مەرزىمىن 11 مامىرعا دەيىن ۇزارتۋ تۋرالى حالىققا مالىمدەمە جاسادى. وندا اعىمداعى جاعدايعا باعا بەرىلىپ, بىرقاتار مىندەتتەر بەلگىلەندى. مەملەكەت باسشىسى حالىقتىڭ كىرىسىن ساقتاۋعا, الەۋمەتتىك جانە ەكونوميكالىق تۇراقتىلىقتى قامتاماسىز ەتۋگە باعىتتالعان مەملەكەتتىك قولداۋ شارالارىن ىسكە اسىرۋدىڭ بارىسىن بايانداپ بەردى. ءبىز استانا ماڭايىندا ورنالاسقان اۋدانداردا ىندەتكە شالدىققان ەمدەلۋشىلەرگە ءجىتى كوڭىل ءبولۋىمىز كەرەك. سونىمەن قاتار, كوكتەمگى ەگىس جۇمىستارىن باستى نازاردا ۇستاۋىمىز قاجەت. وسىعان وراي, تەحنيكالىق قىزمەت كورسەتۋ ستاتسيالارى, – دەي كەلىپ, ءوڭىر باسشىسى الداعى ۋاقىتتا اتقارىلاتىن ءىس-شارالارعا كەڭىنەن توقتالىپ ءوتتى.
سوڭعى مالىمەت بويىنشا قازىرگى تاڭدا اقمولا وبلىسىندا 927 ادام مەديتسينالىق باقىلاۋعا الىنىپ, ونىڭ 316-سى اۋرۋحانالارعا جاتقىزىلعان. ءۇي كارانتينىندە 611 ادام. ال, زەرتحانالىق تەكسەرىستەن كورونوۆيرۋس ىندەتى راستالعان 93 ادام, ونىڭ 31-ءى اۋرۋدان ايىعىپ شىققاندار.
وتىرىس بارىسىندا كارانتين كەزەڭىنىڭ جەڭىلدەتىلۋىنە بايلانىستى ءبىرىنشى كەزەكتە ونەركاسىپ كاسىپورىندارى, قۇرىلىس, جول قۇرىلىسى جانە كولىك كومپانيالارى, بانكتەر جانە حالىققا قىزمەت كورسەتۋ ورتالىقتارى مەن تەحنيكالىق قىزمەت كورسەتۋ ورتالىقتارى جۇمىسقا كىرىسەتىنى ايتىلدى. اتاپ ايتقاندا, وڭىرىمىزدەگى 55 ونەركاسىپتىك-يندۋستريالىق كاسىپورىن مەن اسفالت-بەتون زاۋىتتارى ءوز جۇمىسىن جانداندىرادى. الايدا, بارلىق سانيتارلىق نورمالاردى ساقتاپ, جۇمىس ورىندارىندا ۇنەمى دەزينفەكتسيا جۇرگىزۋ ماسەلەسى باقىلاۋدا بولۋى كەرەك ەكەندىگى تاپسىرىلدى. قالا مەن اۋدان اكىمدەرىنە كارانتين كەزىندە اۋلا الاڭدارىندا ءتارتىپتى قاتاڭ باقىلاۋدا ۇستاۋ كەرەكتىگى دە باسا ايتىلدى. سونىمەن قاتار, حالىقتى جۇمىسپەن قامتۋ جانە الەۋمەتتىك باعدارلامالاردى ۇيلەستىرۋ باسقارماسىنا ۇلى جەڭىستىڭ 75 جىلدىعىنا وراي قاجەتتى ءىس-شارالاردى جۇزەگە اسىرۋ كەرەكتىگىگى تاپسىرىلدى.
وتىرىس سوڭىندا وڭىردەگى ازىق-ت ۇلىك قورىن, كارانتين ءتارتىبىن ساقتاۋ, كوكتەمگى ەگىس ناۋقانىن شيراتۋ ماسەلەلەرىنە كوڭىل ءبولۋ كەرەكتىگى ايتىلىپ, ءتيىستى باسقارما باسشىلارىنا ناقتى مىندەتتەر جۇكتەلدى.