ءماندى ماسەلەنىڭ ءبىرى ماماندىق تاڭداۋ. جوعارى وقۋ ورىندارى مەن كوللەدجدەر جىل بويى كاسىبي ۇگىت-ناسيحات جۇمىستارىن جۇرگىزەدى. وقۋ جىلىنىڭ سوڭىندا بۇل ءۇردىس كۇشەيە تۇسەتىن. ال, ەندى كارانتين كەزىندە وقۋشىلارعا كاسىبي باعدار بەرۋ جۇمىسى قالاي جۇزەگە اسىرىلۋدا؟
مەكتەپ تۇلەكتەرىن كاسىبي باعدارلاۋ جۇمىسى ونلاين رەجيمىندە جۇرگىزىلۋدە. سونىمەن قاتار, ءاربىر جوعارى وقۋ ورنى مەن كوللەدجدەر ارنايى سايتتار اشىپ, الەۋمەتتىك جەلىلەردە ۇگىت-ناسيحاتتارىن ۇدەتە تۇسكەن. وبلىستىق ءبىلىم باسقارماسىنىڭ سايتىنان دا مەكتەپ بىتىرۋشىلەر وزدەرىنە قاجەت اقپاراتتى الا الادى.
وبلىستىق ءبىلىم باسقارماسىنىڭ باستاماسىمەن, سونداي-اق, «مەنىڭ ماماندىعىم. اقمولا» اتتى ءموبيلدى قوسىمشاسى ىسكە قوسىلعان. وندا وڭىردەگى بارلىق جوعارى وقۋ ورىندارى مەن كوللەدجدەردىڭ ءتىزىمى, ماماندىقتاردىڭ تۇرلەرى كورسەتىلگەن. ءتىپتى, ءوزىنىڭ قاي ماماندىققا بەيىمدىگىن انىقتاۋ ماقساتىندا تەست تە تاپسىرا الادى.
اقمولا وڭىرىندە بۇگىندە 33 كوللەدج بار. وقۋ ورىندارى 94 ماماندىق بويىنشا ءبىلىم بەرەدى. سونىمەن قاتار وبلىس اۋماعىندا 5 جوعارى وقۋ ورنى بار. ياعني, مەكتەپ ءبىتىرۋشى تۇلەكتەرىنە الىسقا بارماي-اق, تاڭداۋ جاساۋلارىنا مۇمكىندىك مول.