قارۋلى كۇشتەر سانيتارلىق-ەپيدەميولوگيالىق ورتالىعىنىڭ پوليمەرازدى تىزبەكتى رەاكتسيا زەرتحاناسى ىسكە قوسىلادى. بۇل تۋرالى قورعانىس مينيسترلىگىنىڭ كەزەكتى اپپارات كەڭەسىندە ءمالىم بولدى.
القالى جيىندا قك سەو پتر-زەرتحاناسى جۇمىس ىستەۋگە دايىن ەكەنى, نىساننىڭ جوندەۋ جۇمىستارى اياقتالعانى ايتىلدى.
جالپى Covid-19 ىندەتىنە قارسى ءىس-شارالار شەڭبەرىندە الماتى قالاسىنداعى قورعانىس مينيسترلىگىنىڭ اسكەري كلينيكالىق گوسپيتالى تولىعىمەن دەنساۋلىق ساقتاۋ مينيسترلىگىنىڭ قاجەتتىلىگى ءۇشىن بەرىلدى. بۇل نىسان ينفەكتسيالىق ستاتسيونار رەتىندە كوروناۆيرۋستىڭ شۇعىل كورسەتكىشتەرى بويىنشا كلينيكالىق بەلگىلەرى بار ەمدەلۋشىلەردى ەمدەۋگە جاتقىزۋ ءۇشىن پايدالانىلادى.
سونىمەن قاتار الماتى وبلىسىنىڭ دەنساۋلىق ساقتاۋ باسقارماسى باسشىسىنىڭ جانە ايماق اكىمدەرىنىڭ وتىنىشتەرى بويىنشا جۇقپالى جانە پروۆيزورلىق ستاتسيونارلار رەتىندە تالدىقورعان قالاسىنىڭ 90 ورىندى اسكەري گوسپيتالى, كارانتيندىك ستاتسيونار رەتىندە ءۇشارال قالاسىنىڭ 120 ورىندى اسكەري لازارەتى دايىندالدى.