بۇگىن الماتى قالالىق وڭىرلىك كوممۋنيكاتسيالار الاڭىندا وتكەن بريفينگتە قالا تۇرعىندارىنا ءوز ساياجايلارىنا, ونىڭ ىشىندە الماتى وبلىسىندا ورنالاسقان ساياجايلارىنا بارۋعا رۇقسات ەتىلگەنى تۋرالى حابارلاندى.
ول ءۇشىن ەشقانداي قوسىمشا ءوتىنىش بەرۋدىڭ قاجەتى جوق.
سونىمەن, ساياجايعا بارۋ ءۇشىن قالا تۇرعىندارى كەلەسى ەرەجەلەردى ساقتاۋى كەرەك:
– ساياجاي مەنشىگىن راستايتىن زاڭدى قۇجات پەن ءوزىنىڭ جانە 2 ادامنان اسپايتىن ىلەسۋشىنىڭ جەكە كۋالىگىن كورسەتۋ;
– ساياجايعا بارار جولدا مىندەتتى تۇردە مەديتسينالىق بەتپەردە تاعۋ, قول وڭدەۋگە ارنالعان انتيسەپتيك بولۋى قاجەت;
– اسا قاجەتتىلىكسىز ساياجاي اۋماعىنان شىعۋعا بولمايدى;
– ساياجاي اۋماعىنا كورشىلەر مەن قوناق كىرگىزۋگە تىيىم سالىنادى;
– ءبىر وتباسىنان بولماعان جاعدايدا, 3 ادامنان ارتىق توپتالۋعا بولمايدى.
وسى ورايدا, جاسى 65-تەن اسقان الماتىلىقتارعا ۇيدە بولۋعا كەزەكتى رەت كەڭەس بەرىلدى.
وسى ەرەجەلەردى ازىرلەۋ كەزىندە قالا بيلىگى ساياجايعا بارۋعا رۇقسات سۇرايتىنداردىڭ باسىم بولىگى ەلەكتروندى ءوتىنىش بەرۋگە قينالاتىن ەگدە جاستاعى ازاماتتار ەكەندىگىن ەسكەرگەنىن ايتا كەتۋ قاجەت. سوندىقتان جەدەل شتاب ساياجايعا باراتىن ازاماتتاردىڭ ءجۇرىپ-تۇرۋىن مەيلىنشە جەڭىلدەتۋگە تىرىسقان.
ەندى الماتىلىقتار تەك ساياجايىنىڭ بار ەكەندىگىن راستايتىن قۇجات پەن جەكە كۋالىگىن كورسەتسە جەتكىلىكتى.
سونىمەن قاتار ساياجايلاردىڭ ماقساتقا سايكەس پايدالانىلۋى ءىشىنارا تەكسەرىلەتىندىگىن ەسكەرتىلدى.