جىلداعى ءداستۇر بويىنشا ەلوردا جۇرتشىلىعىن قولجەتىمدى باعادا اۋىلشارۋاشىلىق تاۋارلارىمەن قامتاماسىز ەتۋ ءۇشىن ەلىمىز وڭىرلەرىنىڭ جارمەڭكەسى باستالدى. شارانىڭ العاشقى لەگىن الماتى جانە شىعىس قازاقستان وبلىستارىنىڭ تاۋار وندىرۋشىلەرى باستادى. اتالعان شارانىڭ اشىلۋىنا اۋىل شارۋاشىلىعى ءمينيسترى اسىلجان مامىتبەكوۆ قاتىستى.
جىلداعى ءداستۇر بويىنشا ەلوردا جۇرتشىلىعىن قولجەتىمدى باعادا اۋىلشارۋاشىلىق تاۋارلارىمەن قامتاماسىز ەتۋ ءۇشىن ەلىمىز وڭىرلەرىنىڭ جارمەڭكەسى باستالدى. شارانىڭ العاشقى لەگىن الماتى جانە شىعىس قازاقستان وبلىستارىنىڭ تاۋار وندىرۋشىلەرى باستادى. اتالعان شارانىڭ اشىلۋىنا اۋىل شارۋاشىلىعى ءمينيسترى اسىلجان مامىتبەكوۆ قاتىستى.
الدىمەن الماتى وبلىسىنا كەلسەك, جارمەڭكەگە ايماقتىڭ 19 اۋدانى, قالالارىنىڭ اۋىلشارۋاشىلىق تاۋار وندىرۋشىلەرى كەلدى.بۇل ءجارمەڭكەدە ازىق-ت ۇلىكتىڭ 56 ءتۇرى استانا بازارلارىنداعى باعادان 15-40 پايىز ارالىعىندا تومەن باعادا ساۋدالاندى. سونداي-اق, جالپى قۇنى 136 ميلليون تەڭگە بولاتىن 443 توننا اۋىلشارۋاشىلىق تاۋارلارى ساتىلدى.
جارمەڭكەمەن قاتار, وسى كۇنى جەتىسۋلىقتار الاڭدا ەتنوقالاشىق ورناتىپ, وندا كوركەمونەر جانە حالىقتىڭ قولدانبالى ونەرى كورمەسى ۇيىمداستىرىلدى. كورمەدە جەڭىس ىسقابايدىڭ فوتوسۋرەتتەرى, قۇرمانعازى قادىروۆتىڭ تەرى, سۇيەك, اعاش ارالاستىرىپ جاساعان سۋرەتتەرى, تاتيانا پولششەنكو مەن داريعاامانقوسوۆانىڭ كارتينالارى استانالىقتارعا ۇسىنىلدى. سونىمەن قاتار, ەڭبەكشىقازاق اۋدانىنداعى ۇستا داركەمباي اتىنداعى قولونەر مۋزەيى مەن تالدىقورعانداعى م.تىنىشپاەۆ اتىنداعى تاريحي-ولكەتانۋ مۋزەيىنىڭ بىرقاتار ەكسپوناتتارى دا ەتنوقالاشىقتان ورىن تەپتى. ۇلتتىق ساياتشىلىق ونەردى ناسيحاتتايتىن وبلىستاعى «جەتى قازىنا» قۇسبەگىلەر مۇراجايىنىڭ جادىگەرلەرى دە كوپشىلىكتىڭ نازارىن اۋداردى. جارمەڭكەگە كەلۋشىلەر جەتىسۋلىق «قۇلانساز» فولكلورلىق-ەتنوگرافيالىق انسامبلىنىڭ كونتسەرتىن تاماشالادى.
شىعىس قازاقستان وبلىسىنان جارمەڭكەگە گلۋبوكوە, بورودۋليحا جانە كوكپەكتى اۋداندارىنىڭ تاۋار ءوندىرۋشىلەرى كەلدى. ولار قالا تۇرعىندارىنا 27 توننا بال, 500 كگ ءسۇت جانە شۇجىق ونىمدەرى مەن 3,5 توننا سۇيىق ماي, 2 توننا جارما, 10 توننا كارتوپ جانە 7 توننا كوكونىس-باقشا ونىمدەرىن ۇسىندى.
جارمەڭكە قالانىڭ ورتالىق الاڭىندا اپتا سايىن دەمالىس كۇندەرى 3 قاراشاعا دەيىن جالعاسپاق. وعان دەيىن استاناعا ەلىمىزدىڭ بارلىق ايماقتارى ءوز ءونىمدەرىن ۇسىنادى دەپ جوسپارلانعان.
ءابدىراحمان قىدىربەك,
«ەگەمەن قازاقستان».