كارانتين كەزىندە الماتىلىق ۆەننەتتا يمانقۇلوۆانىڭ جەكە كۋالىگىنىڭ مەرزىمى بىتكەن ەدى. بارلىق شارۋا ونلاين اتقارىلاتىن كەزدە, جەكە كۋالىكسىز ەلەكتروندىق تسيفرلىق قولتاڭبا الۋعا دا مۇمكىندىگى بولماي قالعان. ەندى, ەلەكتروندىق ۇكىمەت پورتالىندا تولقۇجاتپەن دە ەسق الۋ سەرۆيسى قوسىلعانىن ەستىپ, بۇگىن الۋعا كىرىسكەن ەكەن.
«تولقۇجاتپەن الۋ سەرۆيسىنىڭ قوسىلعانى جاقسى بولدى. جەكە كۋالىگىمنىڭ مەرزىمى تۋرا وسى كارانتين كەزىنە تۋرا كەلىپ, نە ىستەرىمدى بىلمەي وتىر ەدىم. جاڭا سەرۆيستىڭ قوسىلعانىن ەستىپ, قۋانا ىسكە كىرىستىم. ون مينۋتتا ەسق الىپ الدىم» – دەيدى ۆەننەتتا.
وسى ۋاقىتقا دەيىن ەتسق-نى قاشىقتان الۋ كەزىندە جۇيە كەيبىر جاعدايلاردا, ياعني جەكە كۋالىكتىڭ مەرزىمى ءوتىپ كەتۋىنە بايلانىستى, قۇجات يەسىن سايكەستەندىرە المادى. بۇل جاعدايدا پايدالانۋشىنىڭ ءوتىنىمى مودەراتسياعا جىبەرىلىپ, وعان قوسىمشا ۋاقىت قاجەت بولدى.
«پاسپورتتى جەكە باسىن كۋالاندىراتىن قۇجاتتىڭ بالاماسى رەتىندە پايدالانۋ ەتسق-نى قاشىقتان الۋ بارىسىندا سايكەستەندىرۋدەن ءوتۋ پروتسەسىن جەڭىلدەتەدى. اسىرەسە, جەكە كۋالىكتىڭ قولدانىلۋ مەرزىمى اياقتالعان جاعدايدا ءتيىمدى» – دەيدى «ازاماتتارعا ارنالعان ۇكىمەت» مك الماتى فيليالىنىڭ مەنەدجەرى جاڭىل اپەتوۆا.
قىزمەتتى الۋ ءۇشىن ەلەكتروندىق ۇكىمەتتىڭ پورتالىنداعى «سەرۆيستەر» بولىمىندە ورنالاسقان «ەتسق-نى قاشىقتان الۋ» قىزمەتىن تاڭداۋ قاجەت. بۇدان ءارى كىلتتى الۋدىڭ ستاندارتتى پروتسەدۋراسىنان ءوتۋ كەرەك. ەتسق-نى قاشىقتان الۋ جولىمەن https://egov.kz/cms/ru/services/pass_onlineecp سىلتەمەسى ارقىلى تانىسا الاسىز. بۇل جەردە ەتسق-نى الۋدىڭ ءار قادامى كورسەتىلگەن نۇسقاۋلىق ورنالاستىرىلعان.
«بۇگىنگى كۇنى ەتسق-نى جەكە تۇلعالارمەن قاتار زاڭدى تۇلعالار دا الا الادى. تج كەزىندە رەسپۋبليكادا 274 مىڭ ەتسق بەرىلدى. ال, «ازاماتتارعا ارنالعان ۇكىمەت» مك الماتى قالاسى فيليالىندا 15 مىڭنان اسا ەلەكتروندىق تسيفرلىق قولتاڭبا ونلاين تۇردە بەرىلدى.