تاياۋدا «عىلىم قورى» اق-تا «نۇر وتان» پارتياسىنىڭ «نۇر وتان. نۇرلى بولاشاق جولىندا!» ساياسي دوكترينا جوباسى تالقىلاندى. وعان «عىلىم قورى» اق باستاۋىش پارتيا ۇيىمىنىڭ مۇشەلەرى مەن ۇجىم مۇشەلەرى تولىق قاتىستى.
تاياۋدا «عىلىم قورى» اق-تا «نۇر وتان» پارتياسىنىڭ «نۇر وتان. نۇرلى بولاشاق جولىندا!» ساياسي دوكترينا جوباسى تالقىلاندى. وعان «عىلىم قورى» اق باستاۋىش پارتيا ۇيىمىنىڭ مۇشەلەرى مەن ۇجىم مۇشەلەرى تولىق قاتىستى.
جينالىستى «عىلىم» باستاۋىش پارتيا ۇيىمىنىڭ توراعاسى, «عىلىم قورى» اق باسقارما توراعاسىنىڭ مىندەتىن اتقارۋشى ا.بايشەكەەۆ اشتى. كۇن تارتىبىندەگى ماسەلە – «قازاقستان-2050» ستراتەگياسىن جۇزەگە اسىرۋ اياسىندا «نۇر وتان» حالىقتىق-دەموكراتيالىق پارتياسىنىڭ جاڭا مىندەتتەرى تۋرالى ا.بايشەكەەۆ جينالعان قاۋىمدى تانىستىردى. ول ءوز سوزىندە «باستاۋىش پارتيا ۇيىمىنىڭ باستى ماقساتى پارتيا كوشباسشىسىنىڭ جاڭا ساياسي باعدارىنىڭ نەگىزگى باعىتتارىن ءوز ۇجىمىندا, ۇيىمىندا جانە جۇمىس ورنىندا بەلسەندى جۇزەگە اسىرۋ بولىپ تابىلادى.
ءبىزدىڭ جوسپارلارىمىز ستراتەگيالىق سيپاتتا, ەلىمىزدىڭ الدىندا تۇرعان اۋقىمدى ماقساتتاردى ەسكەرە وتىرىپ, سوعان سايكەستەندىرىلگەن بولۋ كەرەك. باستاۋىش پارتيا ۇيىمدارى جانە ونىڭ مۇشەلەرى ساياسي جۇمىستىڭ جاڭا فورمالارىن تاۋىپ, يگەرۋلەرى ءتيىس.
ءبىز ءوز ۇجىمىمىزدى, ونىڭ ءاربىر قىزمەتكەرىن قامتۋ ءۇشىن اۋقىمدى اقپاراتتىق-ناسيحاتتىق جۇمىستاردى تۇراقتى تۇردە جۇرگىزىپ وتىرۋىمىز قاجەت. ۇلتتىق جالپى تابىس ءاربىر ادامنىڭ, ءاربىر ازاماتتىڭ تابىسىنان قۇرالادى. ءبىزدىڭ ارقايسىمىز جاڭا قازاقستاندىق ءپاتريوتيزمنىڭ رۋحاني قۇندىلىقتارىن قالىپتاستىرۋىمىز قاجەت. ءاربىر «نۇروتاندىق» نەگىزگى باعىتتارى «قازاقستان-2050» ستراتەگياسىندا انىقتالعان ەلىمىزدى اۋقىمدى جاڭعىرتۋعا بەلسەندى قاتىسۋى ءتيىس», دەپ اتاپ كورسەتتى.
باياندامادان كەيىن ءوز پىكىرلەرىن بىلدىرگەن پارتيا مۇشەلەرى مەن ۇجىم مۇشەلەرى «قازاقستان-2050» ستراتەگياسىنىڭ نەگىزگى مىندەتتەرىن جۇزەگە اسىرۋ ارقىلى قازاقستان الەمنىڭ تاڭداۋلى مەملەكەتتەرىنىڭ قاتارىنان ورىن الاتىنىنا تولىق سەنەتىندىكتەرىن جانە تەك ەلىمىزدىڭ عانا ەمەس, سونىمەن بىرگە, پارتيامىزدىڭ جاڭارۋ مەن جاڭعىرتۋ ستراتەگياسىن جۇزەگە اسىرۋ ءۇشىن بارلىق كۇش-جىگەرلەرىن سالاتىندارىن ءبىلدىردى.
ا.بايشەكەەۆ جينالىسقا قاتىسۋشىلاردى «نۇر وتان» پارتياسىنىڭ ساياسي دوكتريناسى جوباسىمەن تانىستىرا وتىرىپ, «نۇر وتان. نۇرلى بولاشاق جولىندا» ساياسي دوكتريناسى ەلىمىزدىڭ ۇستانىپ وتىرعان ساياساتىنا سايكەس دەر ۋاقىتىندا ۇسىنىلىپ وتىرعان ماڭىزى زور ىرگەلى قۇجات دەدى. «نۇر وتان» پارتياسىنىڭ مۇشەلەرىنىڭ تالقىلاۋىنا ۇسىنىلىپ وتىرعان «نۇر وتان. نۇرلى بولاشاق جولىندا!» ساياسي دوكتريناسىندا پارتيانىڭ يدەولوگياسى ناقتىلانىپ, ۇزاق مەرزىمگە ارنالعان نەگىزگى قۇندىلىقتارى ايقىندالىپ كورسەتىلگەن. دوكترينا ەلباسىنىڭ مەملەكەتتىك باعىتىنىڭ تۇراقتىلىعى مەن باياندىلىعىن, كوركەيۋىن قامتاماسىز ەتەتىن تىرەك رەتىندە «قازاقستان-2050» ستراتەگياسىن تابىستى جۇزەگە اسىرۋعا قىزمەت ەتەدى جانە ونىڭ قىزمەت ەتۋ مەرزىمى بىرنەشە ونجىلدىقتارعا ەسەپتەلگەن».
باياندامادان كەيىن ءسوز العان پارتيا جانە ۇجىم مۇشەلەرى «نۇر وتان» پارتياسى ۇسىنىپ وتىرعان «نۇر وتان. نۇرلى بولاشاق جولىندا!» ساياسي دوكتريناسىن تولىق قولدايتىنىنا جانە جۇزەگە اسىرۋعا بەلسەنە اتسالىساتىندارىنا سەندىردى.
جيىن سوڭىندا قاتىسۋشىلاردىڭ تالقىلاۋىمەن جانە ماقۇلداۋىمەن «قازاقستان-2050» ستراتەگياسىن جۇزەگە اسىرۋ اياسىندا «نۇر وتان» حالىقتىق-دەموكراتيالىق پارتياسىنىڭ جاڭا مىندەتتەرىن جۇزەگە اسىرۋ جانە «نۇر وتان» پارتياسىنىڭ «نۇر وتان. نۇرلى بولاشاق جولىندا» ساياسي دوكتريناسى جوباسىن قولداۋ تۋرالى قاۋلى قابىلداندى.
«ەگەمەن-اقپارات».