قازاق ادەبيەتى ۇلكەن قازاعا ۇشىرادى. اسا كورنەكتى جازۋشى, قازاقستان رەسپۋبليكاسىنىڭ مەملەكەتتىك سىيلىعىنىڭ لاۋرەاتى دۇكەنباي دوسجان 71 جاسىندا كەنەتتەن دۇنيە سالدى.
ول 1942 جىلى 9 قىركۇيەكتە قىزىلوردا وبلىسىنداعى جاڭاقورعان اۋدانىنىڭ قۇلانشى اۋىلىندا تۋعان. 1964 جىلى قازمۋ-ءدى ۇزدىك بىتىرگەن سوڭ الماتى وبلىستىق «جەتىسۋ» گازەتىندە, «جازۋشى» باسپاسىندا, قر باسپا كوميتەتىندە, قازاقستان جازۋشىلار وداعىندا, «جالىن» جۋرنالىندا, اۆتورلىق جانە ارالاس قۇقىقتار جونىندەگى اگەنتتىكتە جاۋاپتى قىزمەتتەر اتقاردى. 1996-2002 جىلدارى قر ۇلتتىق بانكى مۇراجايىنىڭ ديرەكتورى, 2002 جىلدان «مادەني مۇرا» – «كۋلتۋرنوە ناسلەديە» جۋرنالىنىڭ باس رەداكتورى بولدى.
دۇكەنباي دوسجان حح عاسىردىڭ 60-جىلدارى ادەبيەتكە كەلىپ, قازاق پروزاسىنىڭ دامۋىنا ايرىقشا ۇلەس قوستى. ونىڭ قۇنارلى قالامىنان 10 رومان, 20-داي حيكايات, 100-دەن اسا اڭگىمە دۇنيەگە كەلىپ, قالىڭ وقىرماننىڭ رۋحاني قازىناسىنا اينالدى. الەمنىڭ 20 تىلىندە جەكە كىتاپتارى, 2002-2003 جىلدارى ارالىعىندا 13 تومدىق شىعارمالار جيناعى جارىق كوردى.
دۇكەنباي دوسجان قازاقستان رەسپۋبليكاسى مەملەكەتتىك سىيلىعىنىڭ لاۋرەاتى, «پاراسات», «قۇرمەت» وردەندەرىنىڭ يەگەرى. تۇركىستان قالاسىنىڭ جانە بىرنەشە اۋدانداردىڭ قۇرمەتتى ازاماتى.
«زاۋال» رومانى ءۇشىن 1974 جىلى «مولودايا گۆارديا» باسپاسىنىڭ «قازىرگى زامانعى جاقسى رومان» سىيلىعىن, 1988 جىلى ۋكراينانىڭ «دنەپرو» باسپاسىنان شىققان «جىبەك جولى» رومانى ءۇشىن «تاريحي تاقىرىپتاعى جاقسى كىتاپ» سىيلىعىن العان.
قازاق ءسوز ونەرىنىڭ ءىرى وكىلى بولعان قالامگەر دۇكەنباي دوسجاننىڭ ەڭبەكقور, قاراپايىم, اياۋلى بەينەسى ەل ەسىندە ساقتالادى. قازاق ادەبيەتىنىڭ التىن قورىنا قوسىلعان ۇزدىك شىعارمالارى وقىرماندارمەن بىرگە جاساي بەرەدى.
قازاقستان رەسپۋبليكاسى
مادەنيەت جانە اقپارات مينيسترلىگى.
قازاقستان جازۋشىلار وداعىنىڭ باسقارماسى.
قازاق ادەبيەتى ۇلكەن قازاعا ۇشىرادى. اسا كورنەكتى جازۋشى, قازاقستان رەسپۋبليكاسىنىڭ مەملەكەتتىك سىيلىعىنىڭ لاۋرەاتى دۇكەنباي دوسجان 71 جاسىندا كەنەتتەن دۇنيە سالدى.
ول 1942 جىلى 9 قىركۇيەكتە قىزىلوردا وبلىسىنداعى جاڭاقورعان اۋدانىنىڭ قۇلانشى اۋىلىندا تۋعان. 1964 جىلى قازمۋ-ءدى ۇزدىك بىتىرگەن سوڭ الماتى وبلىستىق «جەتىسۋ» گازەتىندە, «جازۋشى» باسپاسىندا, قر باسپا كوميتەتىندە, قازاقستان جازۋشىلار وداعىندا, «جالىن» جۋرنالىندا, اۆتورلىق جانە ارالاس قۇقىقتار جونىندەگى اگەنتتىكتە جاۋاپتى قىزمەتتەر اتقاردى. 1996-2002 جىلدارى قر ۇلتتىق بانكى مۇراجايىنىڭ ديرەكتورى, 2002 جىلدان «مادەني مۇرا» – «كۋلتۋرنوە ناسلەديە» جۋرنالىنىڭ باس رەداكتورى بولدى.
دۇكەنباي دوسجان حح عاسىردىڭ 60-جىلدارى ادەبيەتكە كەلىپ, قازاق پروزاسىنىڭ دامۋىنا ايرىقشا ۇلەس قوستى. ونىڭ قۇنارلى قالامىنان 10 رومان, 20-داي حيكايات, 100-دەن اسا اڭگىمە دۇنيەگە كەلىپ, قالىڭ وقىرماننىڭ رۋحاني قازىناسىنا اينالدى. الەمنىڭ 20 تىلىندە جەكە كىتاپتارى, 2002-2003 جىلدارى ارالىعىندا 13 تومدىق شىعارمالار جيناعى جارىق كوردى.
دۇكەنباي دوسجان قازاقستان رەسپۋبليكاسى مەملەكەتتىك سىيلىعىنىڭ لاۋرەاتى, «پاراسات», «قۇرمەت» وردەندەرىنىڭ يەگەرى. تۇركىستان قالاسىنىڭ جانە بىرنەشە اۋدانداردىڭ قۇرمەتتى ازاماتى.
«زاۋال» رومانى ءۇشىن 1974 جىلى «مولودايا گۆارديا» باسپاسىنىڭ «قازىرگى زامانعى جاقسى رومان» سىيلىعىن, 1988 جىلى ۋكراينانىڭ «دنەپرو» باسپاسىنان شىققان «جىبەك جولى» رومانى ءۇشىن «تاريحي تاقىرىپتاعى جاقسى كىتاپ» سىيلىعىن العان.
قازاق ءسوز ونەرىنىڭ ءىرى وكىلى بولعان قالامگەر دۇكەنباي دوسجاننىڭ ەڭبەكقور, قاراپايىم, اياۋلى بەينەسى ەل ەسىندە ساقتالادى. قازاق ادەبيەتىنىڭ التىن قورىنا قوسىلعان ۇزدىك شىعارمالارى وقىرماندارمەن بىرگە جاساي بەرەدى.
قازاقستان رەسپۋبليكاسى
مادەنيەت جانە اقپارات مينيسترلىگى.
قازاقستان جازۋشىلار وداعىنىڭ باسقارماسى.
باقۇل بول, باۋىرىم!
ادەبيەتىمىزگە تاپ كەلگەن اۋىر قازا تۋرالى الىس ساپاردا ءجۇرىپ ەستىدىم. قازاق وقىرمانى تىنىمسىز ىزدەنىس ۇستىندە جۇرەتىن قالامى ۇشقىر, ويى جۇيرىك, تالانتتى جازۋشىمىز دۇكەنباي دوسجاننىڭ جاڭا شىعارماسىن ۇدايى توسىپ وتىراتىن. ىلعي سونى اسەر, سونى پىكىر, سونى ءسوز ىزدەيتىن جانە تاباتىن تاباندى قالامگەر دانىككەن وقىرمانىن ءدايىم قۋانتاتىن. ەندى سونداي جاراستىقتى جولىعىستار ءبىرجولاتا تىيىلدى دەگەنگە ءتىپتى دە سەنگىڭ كەلمەيدى. دۇكەنباي مەن وقىرماننىڭ ءومىر جايلى مازمۇندى سۇحباتى ەش ۋاقىتتا تولاستامايدى. وعان ارتىندا قالدىرعان مول مۇراسى ايعاق. باقۇل بول, باۋىرىم دۇكەنباي!
ءابىش كەكىلباي ۇلى.
اسىل دوسىمنان ايىرىلدىم
دۇكەش ءىنى, دوسىمنىڭ قازاسىن ە