وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى قادىرجان ارىستاننىڭ ءمالىم ەتۋىنشە, وسىنشا جەردى اۋىل شارۋاشىلىعى ماقساتىندا پايدالانۋعا بولادى.
–تايسويعان اسكەري پوليگونىنىڭ جەرى قازاقستان يەلىگىنە قايتارىلعاننان بەرگى ەكى جىل ىشىندە توپىراق پەن سۋ قۇرامى تەكسەرىلدى. وسى ماقساتتا زياندى زاتتاردى انىقتاۋ ءۇشىن زەرتتەۋ جۇرگىزىلدى. زەرتتەۋ قورىتىندىسىنا سايكەس, 624 مىڭ گەكتار جەر كولەمى ەكولوگيالىق تۇرعىدان تازا, ءارى اۋىل شارۋاشىلىعى سالاسىنا پايدالانۋعا جارامدى ەكەنى بەلگىلى بولدى, دەدى قادىرجان ارىستان.
ونىڭ ايتۋىنشا, زەرتتەۋ قورىتىندىسى جەرگىلىكتى اكىمدىككە بەرىلدى. ەندى بۇل جەر جەرگىلىكتى شارۋاگەرلەرگە بەرىلۋى مۇمكىن.