الماتىدا ىندەت جۇقتىرعان 97 جاستاعى قاريانىڭ قايتىس بولۋىنا مي قان اينالىمىنىڭ ءجىتى بۇزىلۋى سەبەپ بولىپ, ورگانيكالىق دەرتىنىڭ سالدارىنان بەتى بەرى قاراماعان. ال كوروناۆيرۋستىق ينفەكتسياسى مەن باسقا دا بىرقاتار اۋىر كەسەلدەرى جاناما اۋرۋلار بولىپ تابىلماق.
وسىعان بايلانىستى, الماتى قالاسى قوعامدىق دەنساۋلىق باسقارماسى جانىنداعى كۆي-عا وڭ تالداۋى بار پاتسيەنتتەردىڭ قايعىلى اياقتالعان جاعدايلارىن زەردەلەۋ جونىندەگى كوميسسيا (قبجزك) بۇل جاعدايدى كۆي سەبەبىنەن قايتىس بولۋ جاعدايىنا جاتقىزباۋ تۋرالى شەشىم قابىلدادى.
الماتىدا بۇگىنگە دەيىن 96 ادام ەمدەلىپ شىقتى, ونىڭ ىشىندە 6 بالا بار.
كەشە ي.س.جەكەنوۆا اتىنداعى قالالىق كلينيكالىق جۇقپالى اۋرۋلار اۋرۋحاناسىنىڭ فيليالى (بۇدان ءارى – جۇقپالى اۋرۋلار اۋرۋحاناسى) COVID-19 ۆيرۋسىن جۇقتىرعان پاتسيەنتتەردى قابىلداي باستادى. قازىر مۇندا 43 ناۋقاس بار.
مودۋلدىك كەشەندە پالاتالاردا تەرىس قىسىم جاسايتىن جەلدەتۋ جۇيەسى جۇمىس ىستەيدى: ۆيرۋستارى بار اۋا پالاتادان تىس جەرگە ەنبەيدى, ول ارنايى زارارسىزداندىرۋ جۇيەلەرىنە تۇسەدى.
پالاتالاردا گەرمەتيكالىق ەسىكتەر ورناتىلعان, كارىز جۇيەسىن تازالاۋدىڭ ەرەكشە جۇيەسى جۇمىس ىستەيدى.
بۇل اۋرۋحانانىڭ 280 توسەك-ورىنعا ەسەپتەلگەنىن ەستەرىڭىزگە سالا كەتەيىك. قۇرىلىمىنا 9 كلينيكالىق بولىمشە, 28 توسەك-ورىندىق رەانيماتسيا بولىمشەسى, دالاعا جەكە شىعاتىن 11 ورىندىق پالاتالار, بەس ورىندىق ديناميكالىق باقىلاۋ پالاتالارى بار قابىلداۋ بولىمشەسى كىرەدى.
الماتى