قازاقستان وڭىردەگى ەلدەر اراسىندا رەفورمالار كوشباسشىسى رەتىندە تانىلدى.
حالىقارالىق ساراپشىلار قازاقستانداعى جۇرگىزىلگەن مەملەكەتتىك قىزمەت رەفورماسىن جوعارى باعالادى. «ا» باسقارۋشىلىق كورپۋسىن قۇرۋ جانە ساياسي لاۋازىمدار سانىن 8 ەسەگە قىسقارتۋدى ساراپشىلار كاسىبيلەندىرۋ مەن مەريتوكراتيانى كۇشەيتۋ بويىنشا ماڭىزدى قادام, سونداي-اق تابىستىڭ باستى فاكتورى – مەملەكەت باسشىسىنىڭ ساياسي كۇش-جىگەرى دەپ سانايدى.
مەملەكەتتىك قىزمەتتىڭ جاڭا مودەلى جانە دامۋ كەلەشەگى
قازاقستان وڭىردەگى ەلدەر اراسىندا رەفورمالار كوشباسشىسى رەتىندە تانىلدى.
حالىقارالىق ساراپشىلار قازاقستانداعى جۇرگىزىلگەن مەملەكەتتىك قىزمەت رەفورماسىن جوعارى باعالادى. «ا» باسقارۋشىلىق كورپۋسىن قۇرۋ جانە ساياسي لاۋازىمدار سانىن 8 ەسەگە قىسقارتۋدى ساراپشىلار كاسىبيلەندىرۋ مەن مەريتوكراتيانى كۇشەيتۋ بويىنشا ماڭىزدى قادام, سونداي-اق تابىستىڭ باستى فاكتورى – مەملەكەت باسشىسىنىڭ ساياسي كۇش-جىگەرى دەپ سانايدى.
زاڭنامالىق دەڭگەيدە مەملەكەتتىك ورگاننىڭ ءبىرىنشى باسشىسى اۋىسقان كەزدە كادرلاردىڭ «كوماندالىق اۋىسۋىن» ازايتۋ ءۇشىن اۋىسۋ تارتىبىندە تاعايىنداۋعا ارنالعان مۇمكىندىكتەر قىسقارتىلدى. ولار تەك قانا مەملەكەتتىك ورگاندار ىشىندە, سونداي-اق پرەزيدەنت بەلگىلەگەن جاعدايلاردا عانا جۇزەگە اسىرىلادى. قالعان بارلىق تاعايىنداۋ تەك كونكۋرستىق نەگىزدە عانا جۇزەگە اسىرىلادى.
ەگەر 2012 جىلى ورتا ەسەپپەن ءبىر توقساندا مەملەكەتتىك ورگاندار اراسىندا 3500 اۋىسۋ بولسا, 2013 جىلدىڭ 2-ءشى توقسانىندا (زاڭناماعا وزگەرىستەر ەنگىزىلگەننەن كەيىن) اۋىسۋ سانى 70-تەن از بولدى, ياعني 50 ەسەدەن اسا قىسقارتىلدى. ءبىر ورىنعا كونكۋرس 4,7 ادامنان 8,5 ادامعا ءوستى. باسقاشا ايتقاندا, كونكۋرستاردا ءبىر ورىنعا ۇمىتكەرلەر سانى ەكى ەسەگە جۋىق ارتتى.
العاش رەت زاڭنامامەن مەملەكەتتىك ورگانداردا كونكۋرستار ءجۇرگىزۋ كەزىندە باقىلاۋشىلار ينستيتۋتى ەنگىزىلدى. باقىلاۋشىلار كونكۋرستىق كوميسسيانىڭ جۇمىسىمەن تانىسادى جانە ونىڭ جۇمىسى تۋرالى ءوز پىكىرىن ايتا الادى. باقىلاۋشىلار رەتىندە باق, قوعامدىق بىرلەستىكتەر مەن وزگە ۇيىمداردىڭ وكىلدەرى قاتىسا الادى.
قازىرگى تاڭدا «ا» كورپۋسى لاۋازىمدارىنا 501 ازامات تاعايىندالدى, ولاردىڭ ىشىندە 155-ءى (30%) وسى لاۋازىمداردا بۇرىن جۇمىس اتقارماعان. وسىنداي جولمەن, «الەۋمەتتىك ليفت» ىسكە قوسىلدى.
قاراماعىنداعى ادامداردىڭ سىبايلاس جەمقورلىق قىلمىستارى ءۇشىن باسشىلاردىڭ جاۋاپكەرشىلىگى كۇشەيتىلدى.
الەمنىڭ جەتەكشى ەلدەرىنىڭ ءتاجىريبەسى بويىنشا ۋاجدەۋ تەتىگىن ەنگىزۋ جانە مەملەكەتتىك ورگاندار قىزمەتكەرلەرىنىڭ ءتيىمدى الەۋەتىن پايدالانۋ ءۇشىن تالانتتاردى باسقارۋ جۇيەسىن ەنگىزۋ جوسپارلانۋدا.
مەملەكەتتىك ورگاندارعا «ەتيكا بويىنشا كەڭەسشى» ەنگىزۋ قاراستىرىلۋدا. وسى ينستيتۋتتىڭ نەگىزگى مىندەتى – ەتيكالىق جانە سىبايلاس جەمقورلىق قۇقىق بۇزۋشىلىقتارىنىڭ الدىن الۋ, مەملەكەتتىك قىزمەتشىلەرگە سىبايلاس جەمقورلىققا قارسى كۇرەس ماسەلەلەرى جانە قىزمەتتىك ەتيكا بويىنشا كەڭەس بەرۋ.
مەملەكەتتىك قىزمەتتە ىلگەرىلەۋ كەزىندە مەريتوكراتيا قاعيداتىن قورعاۋدى كۇشەيتۋ ءۇشىن شەشىمدەرى مەملەكەتتىك ورگاندار باسشىلارى ءۇشىن مىندەتتى بولاتىن مەريتوكراتيانى قورعاۋ جونىندەگى كوميسسيا قۇرۋ كوزدەلىپ وتىر.
مەملەكەتتىك قىزمەتتىڭ جاڭا مودەلىنىڭ باستى ينديكاتورلارى بولىپ مىنالار بەلگىلەندى:
1) مەملەكەتتىك قىزمەتكە كادرلاردى كونكۋرستىق ىرىكتەۋ جۇيەسىنە حالىقتىڭ سەنىمىن ارتتىرۋ;
2) مەريتوكراتيا قاعيداتىنىڭ ساقتالۋىنا مەملەكەتتىك قىزمەتشىلەردىڭ سەنىمىن ارتتىرۋ;
3) مەملەكەتتىك قىزمەتتى كورسەتۋ ساپاسى مەن قولجەتىمدىلىگىنە قاناعاتتانۋ دەڭگەيىن ارتتىرۋ.
«ەگەمەن-اقپارات».