كوكشەتاۋدا ۇلى جەڭىستىڭ 75 جىلدىعىنا وراي 2 كىتاپ جارىق كوردى.
«سوعىس. جەڭىس. ەستەلىك» جانە «ەشكىم دە, ەشنارسە دە ۇمىتىلمايدى» دەپ اتالاتىن جيناقتارعا ءوڭىر مۇراعاتتارىنىڭ مالىمەتتەرى عانا ەمەس, سونىمەن قاتار, بۇگىنگە دەيىن بەلگىسىز بولىپ كەلگەن شەتەلدەردەگى دەرەكتەر دە قامتىلعان.
جاڭا كىتاپتاردى ءوڭىر مۇراعاتىمەن اينالىساتىن ماماندار ەكى جىل ىشىندە جيناقتاپ شىعارعان. جيناقتارعا ۇلى وتان سوعىسى كەزەڭىندەگى مالىمەتتەر, مۇراعات قۇجاتتارى مەن فوتوسۋرەتتەر, كەڭەس وداعىنىڭ باتىرلارى تۋرالى اقپاراتتار ەنگىزىلىپ وتىر.
– بۇل جيناقتاردى شىعارۋداعى ماقساتىمىز – كەلەشەك ۇرپاق ەل قورعاعان اتا-بابالارىنىڭ ەرلىگىن ۇمىتپاۋى كەرەك دەگەن وي. كىتاپتار ازىرگە 50 دانادان عانا شىعارىلدى,– دەيدى وبلىستىق مەملەكەتتىك مۇراعاتىنىڭ ءبولىم جەتەكشىسى گ ۇلىم راحىمجانوۆا.
بارلىعى ءوڭىر مۇراعاتتارى مەن كىتاپحانالارىنا تاراتىلادى. جاڭا كىتاپتاردىڭ ەلەكتروندىق نۇسقالارى دا ءبىر اپتادان كەيىن عالامتور بەتتەرىندە جاريالانباق. ولاردى مەملەكەتتىك مۇراعات سايتىنان, يۋتۋب, فەيسبۋك, ينستاگرام بەتتەرىنەن وقىپ كورۋگە بولادى.