كوكتەمگى ىلعال كەپكەن سوڭ ورمانعا قاۋىپ كوبەيدى. قازىر ديقاندار القاپتارىن كۇزگى ساباننان ارىلتىپ جاتىر. القاپ جيەگىندەگى قۋراعان قاۋ ءشوپتىڭ جانۋى تەز. قازىرگى تاڭدا توتەنشە جاعدايلار قىزمەتى مەن باسقا دا جاۋاپتى سالا ماماندارى قاۋىپتىڭ الدىن-الۋ ماقساتىندا رەيد وتكىزۋدە.
وتكەن ەكى اپتا ىشىندە وڭىردە قۋراعان شوپتەردى كۇيدىرۋدىڭ 12 دەرەگى جانە ءبىر ورمان ءورتىنىڭ وقيعاسى تىركەلدى. ءتورت فاكتى بويىنشا ءۇش جەكە جانە ءبىر لاۋازىمدى تۇلعا اكىمشىلىك جاۋاپكەرشىلىككە تارتىلدى. وتكەن جىلى 56 ورمان, 2 دالا ءورتى ورىن العان بولاتىن. قۋراعان ءشوپتى كۇيدىرۋدىڭ 125 دەرەگى دە تىركەلىپتى. ولاردىڭ باسىم بولىگى ادامداردىڭ سالعىرتتىعىنان ورىن العان.
–ورمان القاپتارىنداعى ءورت قاۋپىنىڭ الدىن-الۋ ءۇشىن جەدەل ارەكەت ەتەتىن ارنايى توپ قۇرىلدى. بۇدان بولەك, ءۇش اۋداندا «قازاۆياورمانقورعاۋدىڭ» تىكۇشاق توبى ورنالاسقان. ولار بەس اۋداننىڭ اۋماعىنداعى ورمان القاپتارىن باقىلايدى. سونىمەن قاتار, توتەنشە جاعدايلار جونىندەگى كوميتەتى ءورت قاۋپى كەزەڭىندە ءىرى القاپتاردا تابيعي ءورت شىعا قالعان مەزەتتە ءسوندىرۋ ءۇشىن كوكشەتاۋ قالاسىنىڭ اۋەجايىنا مي-28 ءىرى كولىك تىكۇشاعىن جاساقتاپ قويدى,–دەيدىوبلىستىق توتەنشە جاعدايلار جونىندەگى دەپارتامەنتى باستىعىنىڭ ورىنباسارى ماناربەك شاپاعاتوۆ.
كوك مۇنارلى كوكشەنىڭ باستى بايلىعىنىڭ ءبىرى سانالاتىن ورمانعا اباي بولعان ءجون-اۋ.
اقمولا وبلىسى