پرەمەر-مينيستر اسقار مامين تاۋ-كەن مەتاللۋرگيا كەشەنىن دامىتۋ ماسەلەلەرى جونىندە كەڭەس وتكىزدى. بۇل تۋرالى primeminister.kz حابارلادى.
سالانى دامىتۋ جانە ۇسىنىلاتىن قولداۋ شارالارى تۋرالى ۇلتتىق ەكونوميكا ءمينيسترى ر. دالەنوۆ, يندۋستريا جانە ينفراقۇرىلىمدىق دامۋ ءمينيسترى ب. اتامقۇلوۆ, تمك كاسىپورىندارىن مازۋتپەن جانە ديزەل وتىنىمەن قامتاماسىز ەتۋ تۋرالى ەنەرگەتيكا ءمينيسترى ن. نوعاەۆ, تابيعاتتى قورعاۋ ءىس-شارالارى تۋرالى گەولوگيا, ەكولوگيا جانە تابيعي رەسۋرستار ءمينيسترى م. مىرزاعاليەۆ, تمك سالالىق كاسىپورىندارىنداعى احۋال تۋرالى قاراعاندى وبلىسىنىڭ اكىمى ج. قاسىمبەك, سونداي-اق «ارسەلور ميتتال تەمىرتاۋ» اق, «قازمىرىش» جشس, «ERG» كومپانيالار توبى جانە ت. ب. وكىلدەرى باياندادى.
تاۋ-كەن ءوندىرىسى سالاسى — قر ەكونوميكاسىنىڭ نەگىزگى سالالارىنىڭ ءبىرى, وسى جىلدىڭ ءى توقسانىندا وڭ قارقىن كورسەتە وتىرىپ, ءوسىم وتكەن جىلدىڭ سايكەس كەزەڭىمەن سالىستىرعاندا 5%-دى قۇرادى.
كەڭەسكە قاتىسۋشىلار ققس قايتارۋدى جەدەلدەتۋ جانە شەگىن ۇلعايتۋ, تيىمدىلىگى تومەن كەن ورىندارى ءۇشىن پايدالى قازبالاردى وندىرۋگە سالىناتىن سالىق مولشەرلەمەلەرىن تومەندەتۋ, «كەدەندىك اۋماقتا قايتا وڭدەۋ» رەجيمى ءۇشىن كەدەندىك تەكسەرۋلەردى شەكتەۋ جولىمەن, كەدەندىك باقىلاۋ راسىمدەرىن جەڭىلدەتۋ جانە ت. ب. سەكىلدى تاۋ-كەن سەكتورى كاسىپورىندارىن مەملەكەتتىك قولداۋ شارالارىن قاراستىردى.
قر پرەمەر-ءمينيسترى ا. مامين تمك كاسىپورىندارىندا جۇمىس ورىندارىن ساقتاۋ جانە سالانى ودان ءارى دامىتۋدى ىنتالاندىرۋ ماقساتىندا ۇسىنىلعان شارالار توپتاماسىن قولدادى.