تاريحي اتاۋلار ۇمىتىلماق ەمەس. وڭىردەگى بىرقاتار ەلدى-مەكەندەردىڭ تاريحي اتاۋلارى بەلگىلى بولدى. وسى رەتتە, وبلىستىق ىشكى ساياسات باسقارماسىنا قاراستى تىلدەردى دامىتۋ ءبولىمى وزدەرىنىڭ الەۋمەتتىك facebook پاراقشالارىندا ارنايى «تاريحي اتاۋلار» ايدارىن اشتى.
الەۋمەتتىك جەلىلەر ارقىلى وقىرماندارعا تاريحي ايماقتاردىڭ اتاۋىن جەتكىزۋ. بۇل اتالمىش جوبانىڭ نەگىزگى ماقساتى. اقمولا وبلىسىندا سىر بۇگىپ جاتقان كيەلى ولكەلەر جەتەرلىك. بىراق, ورىسشا اتاۋمەن اتالاتىن كەيبىر اۋدان, اۋىل اتىنىڭ ءتۇپ نەگىزىن ءبىرازى بىلە بەرمەيدى. مىنە, وسى رەتتە وبلىستىق تىلدەردى دامىتۋ ءبولىمى قولعا العان جوباعا قىزىعۋشىلىق تانىتقان جانداردىڭ قاتارى كوپ. ولار كۇن سايىن الەۋمەتتىك جەلىگە وڭىردەگى ءبىر ولكەنىڭ تاريحي اتاۋىن, ەسكى قونىسى جايلى كوپتەگەن تىڭ اقپاراتتاردى جاريالايدى. بۇگىندە وبلىس بويىنشا 46 ەلدى مەكەننىڭ تاريحي اتاۋى بەلگىلى بولعان. ونىڭ ىشىندە بۇلاندى اۋدانىنىڭ ورتالىعى ماكينكا قالاسى دا بار.
–ماكينكا قالاسىنىڭ تاريحي اتاۋى تاريحي قۇجاتتارعا سايكەس ايۋتوبە, نەمەسە ايتوبە ەكەنى انىقتالدى. وسى تاريحي اتاۋلاردى ىزدەسىرۋ بارىسىندا ءبىز بىرقاتار مۋزەيلەر مەن ارحيۆتەرگە حابارلاستىق. ياعني, كومەك سۇرادىق. وسى سۇرانىسىمىزعا قازاقستان رەسپۋبليكاسىنىڭ ۇلتتىق مۋزەيى قولداۋ ءبىلدىرىپ, سول مۋزەيدىڭ قىزمەتكەرى يرينا بەكزاتقىزى بىزگە كوپتەگەن اتاۋلاردى تاۋىپ بەردى. تابىلعان مالىمەتتەردى حالىققا جەتكىزۋ ماقساتىندا ارنايى الەۋمەتتىك جەلىلەرگە جۇكتەۋدەمىز. ءبىر قۋانتارلىعى ىزدەستىرۋ بارىسىندا ساندىقتاۋ اۋدانىنىڭ 10 ەلدى-مەكەنىنىڭ تاريحي اتاۋى بەلگىلى بولدى. سونداي-اق, تسەلينوگراد, بۋراباي اۋداندارىنا قاراستى اۋىلدار دا بار. جانە تەك اۋىز ەكى تىلدە عانا ەمەس ارحيۆ قۇجاتتارى ارقىلى دالەلدەنگەن. ول اتاۋ نەگە وزگەردى, بۇرىنعى اتاۋىنىڭ ماعىناسى قانداي؟ وسىنىڭ ءبارىن ايداردا انىق كورسەتىپ جازامىز,–دەيدى وبلىستىق تىلدەردى دامىتۋ ءبولىمىنىڭ باس مامانى اسەم جۇماعۇلوۆا.
تىڭنىڭ ەپيتسەنترى بولعان اقمولا ءوڭىرىنىڭ ەلدى مەكەندەرى تاريحي اتاۋىن قايتارۋى الدىمەن ادىلەتتىڭ سالتانات قۇرۋى دەۋىمىز كەرەك.