شىمكەنت قالاسىنىڭ اكىمى مۇرات ايتەنوۆ ازىق-ت ۇلىك پەن كوكونىس باعالارىنىڭ تۇرعىندار ۇشىن قولجەتىمدى بولۋىن تاپسىرعان بولاتىن. وسى رەتتە كالامىزداعى بىرقاتار جىلىجاي يەلەرىمەن كەلىسسوزدەر جۇرگىزىلىپ, بازارلاردا ءوز ونىمدەرىن دەلدالسىز تومەن باعادا ساتۋى ءۇشىن ارنايى ورىندار بەرىلدى.
بۇگىنگى تاڭدا فەرمەرلەر «قازىبەك» بازارىنان ارنايى ورىن الىپ, جىلىجايدان جينالعان كوكونىستەرىن ارزان باعادا ساۋداعا شىعارۋدا. بۇل ءوز كەزەگىندە قالا تۇرعىندارىنا ازىق-ت ۇلىكتى, كوكونىستەردى "وندىرۋشىدەن تۇتىنۋشىعا" پرينتسيپىمەن قولجەتىمدى باعادا الۋعا مۇمكىندىك بەرەدى.
ماسەلەن, تۇرعىندار دەلدالدار ارقىلى قىزاناقتىڭ كەلىسىن 800 تەڭگەگە السا, قازىر 350-500 تەڭگەدەن, ال قياردى 500 تگ ورنىنا 150-300 تەڭگەدەن ساتىپ الۋدا.
شىمكەنتتە جالپى جىلىجاي كولەمى 183 گەكتاردى قۇرايدى. ونىڭ 53 گەكتارى – ونەركاسىپتىك. قالادا جابىق جىلىجاي كەشەندەردىڭ كولەمىن ارتتىرۋ ماقساتىندا كولىكتىك لوگيستيكالىق ايماعى جانىنان 136 گەكتار جەر قاراستىرىلىپ, 100 گەكتار اۋماققا ونەركاسىپتىك جىلىجاي كەشەندەر سالىنباق.
سونداي-اق الداعى ۋاقىتتا جىلىجاي ونىمدەرىن قالاداعى ءىرى ساۋدا ورىندارىنا دا تىكەلەي جەتكىزىپ بەرۋ مۇمكىندىكتەرى قاراستىرىلۋدا. بۇل جەرگىلىكتى ءونىمنىڭ ساتىلۋ قۇنىن تومەندەتىپ, جەرگىلىكتى حالىقتىڭ كوكونىستى دەلدالسىز قولجەتىمدى ارزان باعادا الۋىنا مۇمكىندىك بەرەدى.
شىمكەنت