ەلىمىزدىڭ ءۇش وبلىسىندا اۋا رايىنا بايلانىستى ەسكەرتۋ جاريالاندى

25 ساۋىردە قوستاناي وبلىسىنىڭ كەي جەرلەرىندە تۇمان ءتۇسۋى ىقتيمال. وڭتۇستىك-باتىستان جەل سوعادى, كەي جەرلەرىندە كۇشى 15-20 م/س جەتەدى. تۇندە سولتۇستىكتە 3 گرادۋس ۇسىك كۇتىلەدى.

قوستاناي قالاسىندا وڭتۇستىك-باتىستان جەل سوعادى, ەكپىنى 15-20 م/س جەتۋى مۇمكىن.

اقمولا وبلىسىنىڭ تۇندە كەي جەرلەرىندە تۇمان ءتۇسۋى مۇمكىن. باتىستان, وڭتۇستىك-باتىستان جەل سوعادى, تاڭەرتەڭ جانە كۇندىز وبلىستىڭ سولتۇستىك-باتىسىندا جەلدىڭ جىلدامدىعى 15-18 م/س جەتۋى ىقتيمال. تۇندە اۋا تەمپەراتۋراسى كەي جەرلەردە مينۋس 3 گرادۋسقا دەيىن تومەندەۋى كۇتىلەدى.

كوكشەتاۋ قالاسىندا باتىستان, وڭتۇستىك-باتىستان جەل سوعادى, تاڭەرتەڭ جانە كۇندىز ەكپىنى 15-18 م/س كۇتىلەدى.

25 ساۋىردە كۇندىز باتىس قازاقستان وبلىسىندا وڭتۇستىك-باتىستان سوعاتىن جەلدىڭ كۇشى كەي جەرلەردە 15-20 م/س جەتەدى.

سول كۇنى كۇندىز ورال قالاسىندا وڭتۇستىك-باتىستان سوعاتىن جەلدىڭ ەكپىنى 18 م/س جەتەدى.