بۇگىن, ياعني 24 ءساۋىر كۇنى قاراعاندى وبلىسىندا تاعى بەس ادامنىڭ COVID-19 جۇقتىرعانى زەرتحانالىق نەگىزدە راستالدى.
اۋىرعانداردىڭ اراسىنداعى 1994 جانە 1997 جىلدارى تۋعان ەكى ادام قاراعاندى قالاسىنىڭ تۇرعىنى. ولار بۇرىن كارانتيندىك گوسپيتالعا جاتقىزىلعان ەكەن.
سونداي-اق, 1989 جانە 1997 جىلدارى تۋعان تاعى ەكى ەر ادامنىڭ ءبىرى ءۇي كارانتينىندە بولسا, ەكىنشىسى كارانتيندىك گوسپيتالدا جاتىپتى.
بەسىنشى ناۋقاس – تەمىرتاۋدىڭ 32 جاستاعى تۇرعىنى.
بۇگىنگى كۇنى قاراعاندى وبلىسىندا كوروناۆيرۋس ينفەكتسياسىن جۇقتىرعانداردىڭ سانى 108 ادامعا جەتىپ وتىر. ونىڭ ىشىندە ءبىر ادام قايتىس بولدى جانە 30 ناۋقاس اۋرۋىنان جازىلىپ شىقتى.