مەملەكەت باسشىسىنىڭ كوروناۆيرۋسپەن كۇرەسۋگە وراي بەرگەن تاپسىرمالارىن ىسكە اسىرۋعا شۇعىل كىرىسكەن قازاقستان رەسپۋبليكاسىنىڭ ءىىم پوليتسيا گەنەرال-لەيتەنانتى ە.تۇرعىمباەۆتىڭ ارناۋلى بۇيرىعىمەن «ەڭبەك»رمك قۇرىلعان ەدى.
الماتى وبلىستىق قىلمىستىق اتقارۋ جۇيەسى دەپارتامەنتىنىڭ (قادج) قىزمەتكەرى, ادىلەت كاپيتانى ادىلەت ساعىمباەۆتىڭ مالىمدەۋىنشە, وسى كاسىپورىننىڭ ءبىر ءبولىمى «جاۋعاشتى-ەڭبەك» جەتىسۋ جەرىندە تىگىن تسەحىن اشىپ,سوتتالعانداردى جۇمىسپەن قامتاماسىز ەتىپ وتىر.
الماتى وبلىسى بويىنشا قاجد قاراستى لا 155/8 مەكەمەسىندە بۇل كۇندەرى كوروناۆيرۋستان قورعايتىن 370 كوستيۋم تىگىلىپ, الماتى قالالىق پوليتسيا قىزمەتكەرلەرىنە جىبەرىلدى. رەسپۋبليكامىزدا توتەنشە جاعداي جاريالانىسىمەن العاشقىلاردىڭ ءبىرى بولىپ وسى لا 155/8 مەكەمەسىندە جازاسىن وتەپ جاتقاندار كوپ رەتتىك 160 000 ماسكا تىگىپ الماتى وبلىستىق قاجد تاپسىرىسىن جىلدام دا ساپالى ورىنداپ, حاس شەبەرلىك تانىتقان ەدى. سوندىقتان قازاقستان رەسپۋبليكاسىنىڭ ءىىم بۇيرىعىمەن تىگىن تسەحىندا جۇمىسپەن قامتىلعان سوتتالعاندارعا اقشالاي سىيلىق بەرىلگەن. بۇگىندە تىگىن تسەحىندا قورعانىش كوستيۋمدەرىمەن بىرگە امبەباپ (ۋنيۆەرسالدى) قورعانىش پلاستماسسا ماسكالار دا جاسالىپ, وڭىرلىك قۇقىق قورعاۋ ورگاندارىنىڭ تاپسىرىستارى تولىققاندى ورىنداۋدا.