ۇلى وتان سوعىسىنداعى جەڭىستىڭ ءساتى. سوزبەن سۋرەتتەپ بولماس بۇل بۇل ءساتتى كوكشەتاۋلىق قىلقالام شەبەرى يبراگيم يسەنوۆتىڭ جىلدار بويى قىلقالاممەن كەنەپ بەتىنە ءتۇسىرىپ كەلەدى. سۋرەتشىنىڭ ەڭبەكتەرى الەمنىڭ تۇپكىر-تۇپكىرىنە تارالعان.
ءبىر سۋرەتكە قىلقالام شەبەرى جارتى جىلۋاقىتىن جۇمساپتى. «انا» تۋىندىسى يبراگيم يسەنوۆتىڭ جان-دۇنيەسىنە جاقىن. كەنەپتەگىبەينەمەن سۋرەتشى ءوزىنىڭ بالالىق شاعىنان حابار بەرەدى. مۇنداعى تىگىن ماشيناسى مەن ەسكى ۇتىكقىلقالام شەبەرىنىڭ جەكە مۇراجايىندا ءالى دە ساقتاۋلى.
–انامنىڭ ايالى الاقانى جادىمنان ەشقاشان وشپەيدى, – دەيدى ول,–كوكىرەگىمدى قولامتانىڭ شوعىنداي جىلىتىپ جۇرەتىن ءبىر بەينە.
اناسى 14 جاسىنان ەڭبەككە ارالاسىپ, تراكتورمەن جەر جىرتقان. سوناۋ سۇراپىل 1937جىلى تۇڭعىشىن دۇنيەگە اكەلىپتى. سوعىس جىلدارى ەگىس القابىندا ەڭبەك ەتىپتى. تۇندە قۇشاعىنداعى ءسابيىن الديلەگەن.
يبراگيم كارتينانى اياقتاۋعا ەرتە دەيدى. وبراز جاسالدى, الايدا كەيىپكەردىڭ پسيحولوگيالىق بولمىسىن ءالى دە زەردەلەۋ كەرەك ەكەن. تولىق بەينە سوعىستان ەمەس, جەڭىستەن حابار بەرۋى ءتيىس.
بۇل سۋرەتتە دە انانىڭ مەيىرىمى مەن جان جىلۋىن بەينەلەۋ ماقسات ەتىلگەن. تىل ارداگەرىنىڭ بارلىق 9 بالاسى ءوز الدىنا ءومىر جولىن تاپقان. ءبىلىم الىپ, وتباسى قۇرعان. ولاردىڭ بارلىعى سۋرەت سالادى. يبراگيم يسەنوۆتىڭ گالەرەياسىندا اسكەري تاقىرىپقا ارنالعان كارتينالار كوپ. ولاردىڭ بىرىندە جەڭىس سالت اتتى ادام بەينەسىندە, ەكىنشىسىندە كۇن ساۋلەسى مەن جاسىل جەلەك ارقىلى بەرىلگەن. سۋرەتشى ۇلى جەڭىستىڭ 70 جىلدىعىندا ءوزىنىڭ تۋعان اۋىلى قىزىلسايانىڭ 64 ارداگەرىنىڭ پورترەتتەرىن سالىپ شىعىپتى. بۇل سۋرەتتەردىڭ بارلىعى ارداگەرلەردىڭ ۇرپاقتارىنا سىيعا تارتىلعان.
–جەڭىس كۇنى مەن ءۇشىن بالا كەزىمنەن ەرەكشە مەرەكە بولاتىن. كوپتەگەن تۋىندىلارىمدى ارداگەرلەر مەن مۋزەيلەرگە سىيعا تارتتىم. ارينە, سوعىستىڭ بوياۋلارى سۇرەڭسىز, سۇستى. ونى ءار سۋرەتشى ءارتۇرلى سەزىنەدى. مەن ارقاشان پورترەتتىك بەينە ىزدەيمىن. ال فونىندا تانكتەر, رەيحستاگ تاعىدا باسقالارى بولۋى مۇمكىن,–دەيدى سۋرەتشى يبراگيم يسەنوۆ.
قىلقالام شەبەرىنىڭ قولىنان 3 مىڭنان استام تۋىندى شىعىپتى. نەگىزىنەن پورترەت مەن ناتيۋرمورت. بارلىعى مايلى بوياۋمەن سالىنعان. ونەر تۋىندىلارىنىڭ گەوگرافياسى كازاحستان, ماروككو, يسپانيا, گرەتسيا, گەرمانيا, مالتا, كورەيا, اقش ءتارىزدى ەلدەردى قامتىعان. الدا ءالى كوپتەگەن جاڭا ويلار بار. ءبىرازى باستالعان, قالعانى ءالى قيال الەمىندە.
كوكشەتاۋ قالاسى.