اتىراۋ قالالىق پوليتسيا باسقارماسى پاترۋلدىك پوليتسيا باتالونىنىڭ ۆزۆود كومانديرى, پوليتسيا اعا لەيتەنانتى اسحات قۋانىشقاليەۆتىڭ ايتۋىنشا, 19 جاستاعى جىگىت مەملەكەتتىك ءنومىرى جوق موتوتسيكلدى جۇرگىزۋشى كۋالىگىنسىز باسقارعان.
ول ساتباەۆ كوشەسى بويىندا پاترۋلدىك پوليتسيا قىزمەتكەرىنىڭ توقتاتقانىنا قاراماستان, كۇشەيتىلگەن كارانتين تالابىن, جولدا ءجۇرۋ ەرەجەسىنىڭ بىرنەشە بابىن بۇزىپتى.
– اتىراۋ قالالىق ىشكى ىستەر باسقارماسىنىڭ قىزمەتكەرلەرىمەن قۇقىق بۇزۋشىعا قر اكىمشىلىك قۇقىقبۇزۋشىلىق تۋرالى كودەكسىنىڭ 476-بابىمەن (توتەنشە جاعداي رەجيمىن بۇزۋ), سونداي-اق, وسى كودەكستىڭ تاعى (590, 596, 599, 612, 613) بەس بابى بويىنشا حاتتامالار تولتىرىلدى. موتوتسيكل ايىپ تۇراعىنا قويىلدى, -دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
جولداسبەك كوشەرباي ۇلى