بۇل تۋرالى قوعامدىق كوممۋنيكاتسيا ورتالىعىندا وتكەن بريفينگتە مو اكىمىنىڭ ورىنباسارى باقىتجان قاشاقوۆ مالىمدەدى.
اۋىل شارۋاشىلىعى سالاسىن دامىتۋ ماقساتىندا قارجى ينستيتۋتتارىنا شاعىن نەسيە بەرۋگە 1,2 ملرد. قاراجات ءبولىندى. بۇدان بولەك, اۋىل شارۋاشىلىعىنىڭ باسقا دا جوبالارىن سۋبسيديالاۋعا 800 ملن تەڭگە ءبولىندى. ايماقتا 2 قارجى ينستيتۋتى جۇمىس ىستەيدى, ونىڭ ءبىرىنشىسى – اۋىل شارۋاشىلىعىن قارجىلاي قولداۋ قورى. بۇلقورعا 841 ملن تەڭگە بولىنگەن. تالاپقا سايكەس, كاسىپكەر بۇل قوردان 7 جىلعا 6% نەسيە الا الادى. شامامەن نەسيە كولەمى 4 ملن تەڭگە. ايتا كەتەيىك, ەكىنشى ينستيتۋت اگرو نەسيە كورپوراتسياسىنا 361 ملن تەڭگە ءبولىندى. ونىڭدا تالابى ءدال سونداي (7 جىلعا, 6%). الايدا بەرەتىن نەسيە كولەمى 6 ملن تەڭگەنى قۇرايدى.
2020 جىلدىڭ 3 ايىنىڭ قورىتىندىسى بويىنشا ماڭعىستاۋ وبلىسى مال شارۋاشىلىعى ءونىمىنىڭ جالپى شىعارىلىمى 2,3 ملرد تەڭگەنى قۇرادى. ستاتيستيكاعا سۇيەنەتىن بولساق, وڭىردە ىرىقارا مالدىڭ سانى 29 226, قوي مەن ەشكى 617 000, جىلقى 117 000, تۇيە 83 000 باس. جوسپارعا سايكەس, جەرگىلىكتى بيۋدجەتتەن اسىل تۇقىمدى مال شارۋاشىلىعىن دامىتۋ مەن ونىڭ ونىمدىلىگىن جانە ءونىم ساپاسىن ارتتىرۋعا 36 ملن تەڭگە قاراستىرىلىپ وتىر. بۇل قاراجات قوي شارۋاشىلىعىنداعى سەلەكتسيالىق اسىلداندىرۋ جۇمىستارىنا, شارۋاشىلىقتاردا جانە اۋىلشارۋاشىلىعى كووپەراتيۆتەرىندە قويلاردىڭ انالىق باسىن قولدان ۇرىقتاندىرۋ قىزمەتتەرىن سۋبسيديالاۋعا جۇمسالادى. سونداي-اق, اسىل تۇقىمدى قويلاردى جانە ءىرى قارا مال شارۋاشىلىعىندا سەلەكتسيالىق اسىلداندىرۋعا بولىنەدى.