«اۋىل» پارتياسىنىڭ وبلىستىق فيليال وكىلدەرى بيوتەحنولوگيالىق عىلىمي جەتىستىكتەرىن وندىرىسكە ەنگىزۋ ارقىلى ىندەتكە قارسى كۇرەسكە ۇلەس قوسۋدا. م. دۋلاتوۆ اتىنداعى قوستاناي ينجەنەرلىك-ەكونوميكالىق ۋنيۆەرسيتەتىنىڭ دوتسەنتى, تەحنيكا عىلىمدارىنىڭ كانديداتى ۆالەنتين حادانوۆيچ ءوز كاسىپورنى «ازيمۋت» سەرىكتەستىگىندە انتيسەپتيك شىعاراتىن جاڭا ءوندىرىستى جولعا قويدى.
تيگەن جەرىن زياندى ميكروبتاردان زالالسىزداندىرىپ, تاپ-تازا ەتىپ شىعاراتىن دەزينفەكتسيالىق سۇيىقتىق م. دۋلاتوۆ اتىنداعى ۋنيۆەرسيتەتتە سىناقتان ءوتتى. «اۋىل» پارتياسى وبلىستىق فيليالىنىڭ توراعاسى س. ەسمۇراتوۆ قوستاناي قالاسىنداعى №13 سايلاۋ وكرۋگىنىڭ كوممۋنالدىق قىزمەت وكىلدەرىن ارنايى شاقىرىپ, 120ليتر «انوليت» دەزينفەكتسيالىق قۇرالىن تەگىن تاراتتى.
-«انوليت» - كوممۋنالدىق-تۇرمىستىق قىزمەت كورسەتۋ, قوعامدىق تاماقتانۋ, ءبىلىم بەرۋ, دەنساۋلىق ساقتاۋ نىساندارىن زالالسىزداندىرۋعا قاجەت بىرەگەي سۇيىقتىق. ءبىز بۇل ءوندىرىستى كارانتين جاعدايىندا كوممۋنالدىق قىزمەتكەرلەرگە دەر كەزىندە كومەك كورسەتۋ ماقساتىندا ىسكە قوسىپ وتىرمىز . سەبەبى ولار تۇرعىنداردى جارىق, جىلۋ جانە گازبەن ۇزدىكسىز قامتاماسىز ەتۋمەن قاتار, تۇرعىن ۇيلەردى زالالسىزداندىرۋدىڭ الدىڭعى شەبىندە ءجۇر, - دەدى پارتيا فيليالىنىڭ توراعاسى,
قوستاناي وبلىسى