رەسەي فەدەراتسياسىنىڭ پرەزيدەنتى ۆلاديمير پۋتين وز جارلىعىمەن بىرقاتار شەتەلدىك بەلدى ازاماتتاردى «دوستىق» وردەنىمەن ماراپاتتادى. بۇل قۇرمەتكە ولار دوستىق پەن ارىپتەستىكتى جانە مادەني بايلانىستى نىعايتقانى ءۇشىن يە بولىپ وتىر. بۇل تۋرالى Nomad su حابارلادى.
بۇل تىزىمدە قازاقستاندىقتار اراسىنان وڭتۇستىك قازاقستان وبلىسىنىڭ اكىمى اسقار مىرزاحمەتوۆ تە بار. وسى جارلىقپەن اتالمىش ماراپاتقا سونداي-اق «پرادو» ۇلتتىق مۇراجايىنىڭ ديرەكتورى ميگەل سۋگاس (يسپانيا), حەلسينكي ۋنيۆەرسيتەتىنىڭ پروفەسسورى تيمو يۋحاني ۆيحاۆاينەن, گرانادا ۋنيۆەرسيتەتىنىڭ رەكتورى لودەيرو گونسالەس, يتاليا پرەزيدەنتىنىڭ ەلشىلىك كەڭەسشىسى لاندي دزاناري, بەلارۋس رەسپۋبليكاسى لەنين كومسومولى اتىنداعى برەست اكادەميالىق دراما تەاترىنىڭ باس ديرەكتورى ءارى كوركەمدىك جەتەكشىسى الەكساندر جۋكوۆ, حاركوۆ پوليتەحنيكالىق ينستيتۋتىنىڭ پرورەكتورى الەكساندر رومانوۆسكي, ۋكراينا ۇلتتىق راديوكومپانياسى اكادەميالىق سيمفونيا وركەسترىنىڭ كوركەمدىك جەتەكشىسى – باس ديريجەر ۆلاديمير شەيكو بار.
ءبىز اسقار يسابەك ۇلىن كورشى مەملەكەتتىڭ وسى جوعارى ماراپاتىمەن شىن جۇرەكتەن قۇتتىقتايمىز.
ءامىرحان الماعانبەتوۆ.