قازاقستانداعى «تىلدەر شەرۋى» ايلىعى اياسىندا سەمەي قالالىق دوستىق ۇيىندە «بوكەر» ەۆرەي ەتنومادەني بىرلەستىگى جانە «حەسەد» ورتالىعىنىڭ ۇيىمداستىرۋىمەن ەۆرەي مادەنيەتى مەن تىلدەرى كۇنى – «روش-ا-شانا» مەرەكەسى تويلانىپ ءوتتى.
قازاقستانداعى «تىلدەر شەرۋى» ايلىعى اياسىندا سەمەي قالالىق دوستىق ۇيىندە «بوكەر» ەۆرەي ەتنومادەني بىرلەستىگى جانە «حەسەد» ورتالىعىنىڭ ۇيىمداستىرۋىمەن ەۆرەي مادەنيەتى مەن تىلدەرى كۇنى – «روش-ا-شانا» مەرەكەسى تويلانىپ ءوتتى.
– ەۆرەي تىلىندە شانا – جىل, روش – باسى دەگەن ماعىنانى بىلدىرەدى, – دەدى جاڭا جىلدىڭ باستالۋىمەن قۇتتىقتاعان وبلىستىق قازاقستان حالقى اسسامبلەياسى حاتشىلىعىنىڭ مەڭگەرۋشىسى ە. ايازباەۆ. – بۇل كۇنى ەۆرەي حالقى ءبىر-بىرىنە جاقسى تىلەكتەر ايتىپ, ارازداسقان ادامدار ءبىر-بىرىنەن كەشىرىم سۇرايدى. سونىمەن بىرگە, قۇلشىلىق جاساپ, دۇعالار وقىلادى. روش-ا-شانا ەۆرەي حالقىنىڭ 5772 جاڭا جىلى.
ەۆرەي حالقىندا مەرەكە كۇندەرى الما مەن بال جەۋ داستۇرگە اينالعان جانە بۇل كۇندەرى تۋعان-تۋىستارى مەن جاقىندارىنا, دوستارىنا جىلىڭ ءتاتتى دە, جاقسىلىققا تولى بولسىن دەگەن قۇتتىقتاۋ تىلەكتەرىن جىبەرگەن.
دوستىق ءۇيىنىڭ ۇلكەن زالىنا جينالعان كوپشىلىككە جاڭا جىلدىڭ باستالۋىمەن ەۆرەي ەتنومادەني بىرلەستىگىنىڭ توراعاسى ي.بوروحوۆسكي, «حەسەد» ەۆرەي قايىرىمدىلىق ورتالىعىنىڭ ديرەكتورى ا. رۋبان تىلەكتەرىن ءبىلدىردى. «حەسەد» ەۆرەي قايىرىمدىلىق ورتالىعىنىڭ جاسوسپىرىمدەر شىعارماشىلىق توبىنىڭ ورىنداۋىندا ەۆرەي حالقىنىڭ اندەرى, بيلەرى, قىزىقتى ساحنالىق قويىلىمدارى ورىندالدى. كىشكەنتاي كورەرمەنگە ەرتەگى جازىلعان اۋديوجازبا, سونىمەن قاتار, يۆريت ءتىلىنىڭ مۇعالىمىنىڭ ءتىل تۋرالى بايانداماسى تىڭدالدى.
اسەم ءان مەن كۇيگە بولەنگەن مەرەكەلىك شارا كەلگەن كوپشىلىكتىڭ كوڭىلىنەن شىقتى. ءبىز الداعى ۋاقىتتا ءوز ۇلتىمىزدىڭ مەرەكەلەرىن وزگە حالىقپەن بىرلەسە تويلاماقپىز, دەدى ي.بوروحوۆسكي.
راۋشان نۇعمانبەكوۆا.
سەمەي.