قازاقتىڭ مەملەكەتتىك م.اۋەزوۆ اتىنداعى اكادەميالىق دراما تەاترى اتىراۋ قالاسىنا گاسترولدىك ساپارمەن جۇرگەلى وتىر. ۇلكەن جولعا ازىرلىك جۇمىستارىن جۇرگىزىپ جاتقان اكەمتەاتردىڭ بۇل وڭىرگە وسىدان 12 جىل بۇرىن جولى تۇسكەن ەكەن. بيىلعى گاسترولدىك ساپاردىڭ شىمىلدىعى – اتىراۋ قالاسىنداعى ماحامبەت وتەمىس ۇلى اتىنداعى اتىراۋ وبلىستىق قازاق دراما تەاترىندا اشىلادى.
قازاقتىڭ مەملەكەتتىك م.اۋەزوۆ اتىنداعى اكادەميالىق دراما تەاترى اتىراۋ قالاسىنا گاسترولدىك ساپارمەن جۇرگەلى وتىر. ۇلكەن جولعا ازىرلىك جۇمىستارىن جۇرگىزىپ جاتقان اكەمتەاتردىڭ بۇل وڭىرگە وسىدان 12 جىل بۇرىن جولى تۇسكەن ەكەن. بيىلعى گاسترولدىك ساپاردىڭ شىمىلدىعى – اتىراۋ قالاسىنداعى ماحامبەت وتەمىس ۇلى اتىنداعى اتىراۋ وبلىستىق قازاق دراما تەاترىندا اشىلادى.
– بۇل جولى ماقساتىمىز – اتىراۋ ءوڭىرى كورەرمەندەرىمەن كەزدەسىپ, ولاردىڭ الدىندا ەسەپ بەرىپ قايتۋ, – دەيدى تەاتردىڭ كەڭەسشىسى, قازاقستاننىڭ حالىق ءارتىسى ەسمۇحان وباەۆ
تەڭىز جاعالاۋىنداعى كورەرمەن نازارىنا تەاتر 9 قويىلىم ۇسىناتىن بولادى. ولار – «بەيبارىس سۇلتان» (ر.وتارباەۆ, رەجيسسەرى يۋ.حانينگا-بەكنازار), «ىمىرتتاعى ماحاببات» (گ.گاۋپتمان, رەجيسسەرى ر.اندرياسيان), «جاۋجۇرەك» (د.يسابەكوۆ, رەجيسسەرى ە.وباەۆ), «يمپەرياداعى كەش» (س.اسىلبەك ۇلى, رەجيسسەرى ا.كاكىشەۆا), «تەندەرگە ءتۇسكەن كەلىنشەك» (م.سارسەكە, رەجيسسەرى و.كەنەباەۆ), «ءۇمىت ءۇزگىم كەلمەيدى» (ن.كەلىمبەتوۆ, رەجيسسەرلەرى ە.وباەۆ, ت.ارالباي), «ارشىن مال الان» ء(ۇ.عادجىبەكوۆ, رەجيسسەرى ت.ءال-تارازي), « ۇلى مەن ۇرى» (ت.ابدىكوۆ, رەجيسسەرلەرى ە.وباەۆ, ە.نۇرسۇلتان) جانە «قىز مۇڭى» (ي.ساپارباي, رەجيسسەرلەرى ە.وباەۆ, ت.ارالباي) سپەكتاكلدەرى.
ءسوز رەتىنە وراي, تەاتردا قازىرگى قازاق دراماتۋرگياسىنىڭ وزىق دەگەن تۋىندىلارى تۇگەلدەي دەرلىك قويىلىپ جۇرگەندىگىن ايتۋعا بولادى. ۇجىم تالانتتى جاستارمەن تولىعۋدا. گاسترولدىڭ جۇمىستارىن ۇيىمداستىرۋدا «كورەرمەن» اگەنتتىگىنىڭ» قىزمەتكەرلەرى جارنامالىق جۇمىستارىن جان-جاقتى جۇرگىزۋدە. ماسەلەن, تەاتر وكىلدەرى باننەر, افيشالاردىڭ بۇرىن-سوڭدى بولماعان جارنامالارى اتىراۋ قالاسىنىڭ ورتالىق كوشەلەرىنە ىلىنگەندىگىن ايتادى.
سوڭعى كەزدەرى تەاتردىڭ گاسترولدىك جۇيەسى قايتا جاندانىپ كەلە جاتقانى بايقالدى. بۇعان دەيىن دە مادەنيەت جانە اقپارات مينيسترلىگىنىڭ قولداۋىمەن تەاتر سولتۇستىك قازاقستان, اقتوبە, قاراعاندى, ماڭعىستاۋ, پاۆلودار, باتىس قازاقستان, وڭتۇستىك قازاقستان, جامبىل, الماتى وبلىستارىندا جانە ەلوردامىز استانادا ونەر كورسەتكەن بولاتىن.
مىنە, وسىلاي تەاتر الداعى 88-ءشى تەاتر ماۋسىمىنىڭ اشىلۋ قارساڭىندا, كورەرمەنگە جاڭاشا قىزمەت كورسەتۋدىڭ وزگەشە ۇلگىلەرىن تاڭداپ, سول باعىتتا جاڭا جوبالار بويىنشا قاۋىرت جۇمىستاردى جۇرگىزىپ جاتىر.
ايناش ەسالي,
«ەگەمەن قازاقستان».
الماتى.