قازاعى از شەمونايحادا جاقىندا 320 ورىندىق جاڭا قازاق مەكتەبى سالتاناتتى جاعدايدا اشىلدى. اۋدان ورتالىعىنا ىرگەلەس ورنالاسقان بىرنەشە اۋىلداردىڭ وقۋشىلارى ءۇشىن 100 ورىندىق ينتەرنات تا ءبىلىم ورداسىنىڭ جانىنان بوي كوتەردى.
قازاعى از شەمونايحادا جاقىندا 320 ورىندىق جاڭا قازاق مەكتەبى سالتاناتتى جاعدايدا اشىلدى. اۋدان ورتالىعىنا ىرگەلەس ورنالاسقان بىرنەشە اۋىلداردىڭ وقۋشىلارى ءۇشىن 100 ورىندىق ينتەرنات تا ءبىلىم ورداسىنىڭ جانىنان بوي كوتەردى.
مەكتەپتىڭ اشىلۋىنا وبلىس اكىمىنىڭ ورىنباسارى جاقسىلىق ومار, «نۇر وتان» حدپ وبلىستىق فيليالى توراعاسىنىڭ ءبىرىنشى ورىنباسارى ءتۇسىپحان تۇسىپبەكوۆ, اتا-انالار مەن مەكتەپ وقۋشىلارى قاتىستى. وبلىس اكىمى ب.ساپارباەۆتىڭ قۇتتىقتاۋىن جەتكىزگەن جاقسىلىق ومار مەكتەپ قۇرىلىسىن ساپالى سالىپ بەرگەن بەلگىلى قۇرىلىسشى, «وسكەمەن-قۇرىلىس» جشس-ءنىڭ باسشىسى ەرجان سقاقوۆقا اۋدان جۇرتشىلىعى اتىنان العىسىن ايتتى. ال اۋدان تۇرعىندارى ەرجان سقاقوۆتىڭ شەمونايحانىڭ وركەندەۋىنە ەرەكشە ۇلەس قوسىپ, بىرنەشە عيماراتتار قۇرىلىسىن سالىپ جاتقانىنا ريزاشىلىعىن ءبىلدىرىپ, اتا سالتىمەن يىعىنا شاپان جاپتى.
«نۇر وتان» حدپ وبلىستىق فيليالى توراعاسىنىڭ ءبىرىنشى ورىنباسارى ت.تۇسىپبەكوۆ جاڭا مەكتەپتىڭ پرەزيدەنتتىك باعدارلاما نەگىزىندە بوي كوتەرگەنىن اتاپ كورسەتتى. جاڭا مەكتەپ ءىشى كىرسە شىققىسىز, ءار وقۋشى جەكە وتىراتىن پارتا, قاجەتتى قۇرال-جابدىقتار بار. ءبىر سۇيسىنەرلىگى, شەمونايحاداعى ۇلتى ورىس بىرنەشە وتباسى بالالارىن قازاقشا ءبىلىم الۋعا بەرىپتى.
وڭداسىن ەلۋباي,
«ەگەمەن قازاقستان».
شىعىس قازاقستان وبلىسى,
شەمونايحا اۋدانى.