بيىل «جاۋشىقۇم» شارۋا قوجالىعىنىڭ 25 گەكتار جەرگە گوللاندتىق تاسىلمەن ەككەن جۋاسى جۇرتشىلىقتىڭ كوز جاۋىن الاتىنداي-اق بىتىك شىقتى. جاقسى تاجىريبەنى وزگەلەرگە دا كەڭىنەن تانىستىرۋ ءۇشىن وتكەن اپتادا وبلىستىق اۋىل شارۋاشىلىعى باسقارماسىنىڭ باستىعى قاناتبەك وسپانبەكوۆ «جاۋشىقۇم» شارۋا قوجالىعىندا سەمينار-كەڭەس وتكىزىپ, وعان شاردارالىقتارمەن قاتار قازىعۇرت, سارىاعاش, ماقتاارال, وتىرار, سايرام, ارىس اۋداندارىنىڭ ديقانشىلارى دا كەلىپ قاتىستى.
بيىل «جاۋشىقۇم» شارۋا قوجالىعىنىڭ 25 گەكتار جەرگە گوللاندتىق تاسىلمەن ەككەن جۋاسى جۇرتشىلىقتىڭ كوز جاۋىن الاتىنداي-اق بىتىك شىقتى. جاقسى تاجىريبەنى وزگەلەرگە دا كەڭىنەن تانىستىرۋ ءۇشىن وتكەن اپتادا وبلىستىق اۋىل شارۋاشىلىعى باسقارماسىنىڭ باستىعى قاناتبەك وسپانبەكوۆ «جاۋشىقۇم» شارۋا قوجالىعىندا سەمينار-كەڭەس وتكىزىپ, وعان شاردارالىقتارمەن قاتار قازىعۇرت, سارىاعاش, ماقتاارال, وتىرار, سايرام, ارىس اۋداندارىنىڭ ديقانشىلارى دا كەلىپ قاتىستى.
قازىرگى تاڭدا القاپتاعى پياز ءونىمىن جيناۋ جۇمىستارى باستالىپ جاتىر. پيازدىڭ بەتىندەگى قۋراعان ءشوپ-شالامدى الدىمەن ورىپ الىپ, قازۋعا دايىنداپ قويعان ەكەن. ارنايى تەحنيكا القاپپەن ءبىر جۇرگەندە ەكى جۇيەكتى قاتار قازىپ شىعادى ەكەن. ۇلكەندىگى قوس جۇدىرىقتاي كەلەتىن پيازدار جەردىڭ بەتىندە پىرداي بولىپ قالىپ جاتتى. ەندىگى جۇمىس – تەك قاپقا سالۋ عانا. ءدان ەگەتىن تەحنيكانىڭ ءوزى بىرنەشە فۋنكتسيالاردى اتقارادى ەكەن. ەڭ كەرەمەتى - پيازدىڭ تۇقىمىن قۇيىپ سەپپەي, كەرەكتى ءداندى عانا دالدەپ سەبەتىندىگى. ءبىر مەزگىلدە جەردى دە تەگىستەيدى, ارىق تا قازادى, توپىراقتى دا نىعىزدايتىن تەحنيكا ءتۇرىنىڭ ءبارى دە شەتەلدەن الىنىپتى.
– ءبىز جاڭا تەحنولوگيا ارقىلى بۇرىننان ىستەپ كەلە جاتقان اۋىر جۇمىستاردان ءبىرجولاتا قۇتىلدىق. پياز وتە دالدىكپەن ەگىلەدى, ءارامشوپ گەربيتسيد ارقىلى جويىلادى, ءونىمدى جيناۋ دا تەحنيكانىڭ كۇشىمەن اتقارىلادى. قازىرگە تاجىريبە رەتىندە ەگىپ كوردىك. كورشى جامبىل وبلىسىنداعى قورداي اۋدانىندا پياز ەگىپ جاتقان ارىپتەستەرىمىزبەن بىرىگىپ, گوللاندتىق ءادىس بويىنشا ەكتىك. كەلەسى جىلى ەگىس كولەمىن مۇنان ءارى ارتتىرۋدى جوسپارلاپ وتىرمىز. ءبىزدىڭ بار قۇپيامىز وسى, – دەيدى پياز ەگۋگە قارجى سالعان, ياعني, ينۆەستور يۋري ان.
سەمينارعا كەلۋشىلەر شىعىن مەن پيازدان تۇسەر تابىستىڭ دا كولەمىن ەسەپتەپ كورىستى. يۋ. اننىڭ ايتۋىنا قاراعاندا, ءبىر گەكتار القاپقا جەردى دايىنداۋدان باستاپ, ءونىم قاپقا تۇسكەنگە دەيىن 1 ملن. 200 مىڭ تەڭگە قاراجات جۇمسالعان. ءبىر گەكتار القاپتان جاڭا تەحنولوگيانىڭ ارقاسىندا 80 مەن 100 توننا ارالىعىندا ءونىم الامىز دەپ وتىر. باياعى ادىسپەن ەككەن كەزدە ونىمدىلىك 20 توننادان اسسا ديقان قۋاناتىن ەدى. 80 توننا دەگەن باس اينالاتىن جوعارى كورسەتكىش. ەندى پيازدىڭ ساتىلۋ باعاسىنا كەلەيىك. بازارداعى نارقىن كەم دەگەندە ءار كەلىسىن 50 تەڭگەدەن ەسەپتەگەندە ءبىر گەكتاردان الىناتىن 80 توننا پيازدىڭ قۇنى 4 ملن. تەڭگەدەن اينالماق. بۇل دەگەنىڭىز ءۇش ەسە پايدا دەگەن ءسوز عوي. «جاۋشىقۇم» قوجالىعىنىڭ ينۆەستورى كوتەرمە باعاسىمەن ءار كيلوگرامم جۋانى 35 تەڭگەدەن دە بوساتاتىنىن قۇلاعدار ەتتى.
– ەلباسى جولداۋىندا ايتىلعان جاڭا تەحنولوگيا بويىنشا ونىمدىلىكتى ارتتىرۋدىڭ العاشقى قادامى «جاۋشىقۇم» شارۋا قوجالىعىندا ىسكە اسىپ وتىر. ونىمدىلىك كوبەيسە, ول بىرىنشىدەن حالىقتىڭ ءال-اۋقاتىنىڭ ارتۋىنا سەپتىگى تيەدى. ءبىزدىڭ اۋدان تۇرعىندارى 1300-1400 توننا پيازدى تۇتىنادى. پياز ەككەن ديقاندارىمىزدىڭ ءونىمى اۋداندى عانا قامتاماسىز ەتىپ قويماستان, باسقا وڭىرلەردى دە مولىنان قامتيتىن بولادى. بىزدەر شارۋالارعا قاي داقىلعا سۇرانىس كوپ – سول داقىلدى ورنالاستىرۋعا باعىت بەرىپ وتىرۋىمىز كەرەك, – دەيدى شاردارا اۋدانىنىڭ اكىمى قامىتبەك نۇرجانوۆ.
قاناتبەك وسپانبەكوۆ ءدال وسىنداي تاسىلمەن باسقا دا الەۋمەتتىك ماڭىزى بار داقىلدار – ءسابىز, كارتوپ داقىلدارىن ەگۋدى دە ويلاستىرۋ قاجەت ەكەنىن ايتتى.
– بۇگىنگى تاڭدا ەلىمىزدە ازىق-ت ۇلىك قاۋىپسىزدىگىن قامتاماسىز ەتۋ باستى ماسەلە بولىپ وتىر. كوكونىس ونىمدەرىن وندىرۋدە ءبىزدىڭ وڭتۇستىك وبلىسى رەسپۋبليكادا الدىڭعى ورىندا. سوندا دا جاڭا تەحنولوگيانى وندىرىسكە ەنگىزۋ ۋاقىت تالابى. وسى ادىسپەن جايقالتىپ جۋا ەككەن جاۋشىقۇمدىقتاردىڭ تىرلىگىن كورشى اۋدان ازاماتتارى دا وندىرىسكە ەنگىزسە, قۇبا-قۇپ بولار ەدى, – دەدى ق. وسپانبەكوۆ.
ءادىل ءابدىرامانوۆ.
وڭتۇستىك قازاقستان وبلىسى,
شاردارا اۋدانى.