بانگكوكتە «قازاقستانداعى, نيگەريا مەن وڭتۇستىك افريكاداعى ينۆەستيتسيالىق جانە بيزنەس مۇمكىندىكتەرى» اتتى حالىقارالىق سەمينار ءوتتى. ءىس-شارانى قازاقستان, نيگەريا جانە وڭتۇستىك افريكا ەلشىلىكتەرىنىڭ قولداۋىمەن تايلاندتىڭ يندۋستريا مينيسترلىگى مەن تايلاند ينۆەستيتسيالار بويىنشا اگەنتتىگى جانە قازىنالىق ساياسات عىلىمي-زەرتتەۋ ينستيتۋتى ۇيىمداستىردى.
بانگكوكتە «قازاقستانداعى, نيگەريا مەن وڭتۇستىك افريكاداعى ينۆەستيتسيالىق جانە بيزنەس مۇمكىندىكتەرى» اتتى حالىقارالىق سەمينار ءوتتى. ءىس-شارانى قازاقستان, نيگەريا جانە وڭتۇستىك افريكا ەلشىلىكتەرىنىڭ قولداۋىمەن تايلاندتىڭ يندۋستريا مينيسترلىگى مەن تايلاند ينۆەستيتسيالار بويىنشا اگەنتتىگى جانە قازىنالىق ساياسات عىلىمي-زەرتتەۋ ينستيتۋتى ۇيىمداستىردى.
قازاقستان رەسپۋبليكاسىنىڭ ينۆەستيتسيالىق الەۋەتى تۋرالى قازاقستاننىڭ تايلاندتاعى ەلشىسى مارات ەسەنباەۆ ءسوز ءسويلەدى. ول تاي تىڭداۋشىلارىن قازاقستاننىڭ الەۋمەتتىك-ەكونوميكالىق جەتىستىكتەرىمەن جانە ينۆەستيتسيالىق الەۋەتىمەن تانىستىردى. سونداي-اق, استانادا وتەتىن ەكسپو-2017 كورمەسىنە دايىندىق تۋرالى ايتا كەلىپ, تاي كومپانيالارى ءۇشىن جاڭا ينۆەستيتسيالىق ءمۇمكىنشىلىكتەر اشىلاتىنىنا ماڭىز بەردى.
تايلاند ينۆەستيتسيالار بويىنشا اگەنتتىگى باس حاتشىسىنىڭ ورىنباسارى ۆاسانا مۋتۋتانونت ءوز سوزىندە جاڭا دامۋشى نارىقتارداعى ينۆەستيتسيالار ءۇشىن ۇلكەن مۇمكىندىكتەر بار ەكەنىن اتاپ ءوتتى. «ءبىز تاي ينۆەستيتسيالارى ءۇشىن جاڭا باسىم باعىتتاردى – قازاقستان, نيگەريا جانە وار-دى انىقتادىق. قازاقستان بۇل تىزىمدە ورتالىق ازياداعى جەتەكشى ورىنعا يە», دەدى ول. تاي سپيكەرىنىڭ سوزىنە قاراعاندا, اتالعان ىرىكتەۋگە ەلدەگى قولايلى ينۆەستيتسيالىق احۋال, مول تابيعي رەسۋرستار مەن وڭتايلى گەوگرافيالىق جاعداي جانە ينفراقۇرىلىمدىق دامۋ دەڭگەيى سەبەپ بولعان.
«ءبىز تايلاند يندۋستريا مينيسترلىگىمەن ءبىرلەسىپ, قازاقستانعا تاي كومپانيالارىنىڭ ينۆەستيتسيالارىن تارتۋ بويىنشا جۇيەلى جۇمىس ءجۇرگىزىپ قانا قويماي, جاڭا ەكسپورتقا باعىتتالعان جوعارى تەحنولوگيالىق ءوندىرىستەر قۇرۋعا نيەتتىمىز», دەدى قازىنالىق ساياسات عىلىمي-زەرتتەۋ ينستيتۋتىنىڭ ديرەكتورى پيچ نيتسمەر.
سەمينار قورىتىندىسى بويىنشا اعىمداعى جىلدىڭ سوڭىنا دەيىن ساۋدا ميسسياسى 50 تاي كاسىپكەرىن ءوز يدەيالارىن ىسكە اسىرۋدى تالقىلاۋ ءۇشىن قازاقستانعا جىبەرەتىنى تۋرالى كەلىسىمگە قول جەتكىزىلدى, دەپ حابارلادى قر ءسىم-ءىنىڭ ءباسپاسوز قىزمەتى.