تامىز ايىنىڭ اياعىنداعى جاۋىن-شاشىن ءپىسىپ تۇرعان ەگىندى جيناتپاي, ديقانداردى ءبىراز ابىگەرگە سالعان ەدى. مىنە, قىركۇيەك ايى باستالعالى ءار ايماقتا وتكىنشى جاۋىپ كەتكەنى بولماسا, كوپ جاڭبىر جوق. التىن كۇزدىڭ ىزعارى جوق جىلى جەلى جەردى كەپتىرىپ, كومبايننىڭ جۇرۋىنە جاعداي جاساپ-اق تۇر. بۇگىنگە دەيىن وبلىستاعى بارلىق ەگىن القابىنىڭ 35 پايىزى وراققا ءىلىندى. مەجەلەپ وتىرعان 4,5 ميلليون توننا استىقتىڭ 1,5 ميلليون تونناسى قامباعا ءتۇسىپ تە ۇلگەردى. وبلىس اكىمى نۇرالى سادۋاقاسوۆتىڭ ايتۋىنشا, ەگەر جاۋىن-شاشىندى بولىپ كەتپەسە, اۋدانداردىڭ باسىم كوپشىلىگى اپتانىڭ اياعىنا دەيىن استىقتىڭ جارتىسىنان استامىن جيناپ ۇلگەرەدى.
تامىز ايىنىڭ اياعىنداعى جاۋىن-شاشىن ءپىسىپ تۇرعان ەگىندى جيناتپاي, ديقانداردى ءبىراز ابىگەرگە سالعان ەدى. مىنە, قىركۇيەك ايى باستالعالى ءار ايماقتا وتكىنشى جاۋىپ كەتكەنى بولماسا, كوپ جاڭبىر جوق. التىن كۇزدىڭ ىزعارى جوق جىلى جەلى جەردى كەپتىرىپ, كومبايننىڭ جۇرۋىنە جاعداي جاساپ-اق تۇر. بۇگىنگە دەيىن وبلىستاعى بارلىق ەگىن القابىنىڭ 35 پايىزى وراققا ءىلىندى. مەجەلەپ وتىرعان 4,5 ميلليون توننا استىقتىڭ 1,5 ميلليون تونناسى قامباعا ءتۇسىپ تە ۇلگەردى. وبلىس اكىمى نۇرالى سادۋاقاسوۆتىڭ ايتۋىنشا, ەگەر جاۋىن-شاشىندى بولىپ كەتپەسە, اۋدانداردىڭ باسىم كوپشىلىگى اپتانىڭ اياعىنا دەيىن استىقتىڭ جارتىسىنان استامىن جيناپ ۇلگەرەدى.
وبلىستىڭ وڭتۇستىك اۋداندارىندا جاۋىن از بولعاندىقتان, وراق قارقىنى دا باسىمىراق. ال جاۋىن كوپ جاۋعان سولتۇستىك اۋداندار القاپتىڭ كەبۋىن امالسىز كۇتەدى, دالا كەمەلەرى كىبىرتىكتەيدى. مىسالى, ناۋىرزىم اۋدانى قازىردىڭ وزىندە بارلىق استىق القابىنىڭ 51 پايىزىن جيناپ ۇلگەردى. ال جاۋىننان كوز اشپاعان فەدوروۆ اۋدانىندا بۇل كورسەتكىش نەبارى 27 پايىزدى عانا قۇراپ وتىر. وبلىس بويىنشا گەكتار اينالىمى ورتا ەسەپپەن 9,4 تسەنتنەردەن كەلۋدە.
ال استىقتىڭ ساپاسى ءجونىندەگى ءسوز باسقا.
– بيىل جاۋىن كوبىرەك ءتۇستى, سوعان قاراماي ەگىندى جيىپ-تەرىپ الامىز. ءبىزدىڭ شارۋاشىلىقتىڭ القاپتارى گەكتارىنا 14 -15 تسەنتنەردەن كەم بەرىپ جاتقان جوق. بيىل مايلى داقىلدىڭ جىلى بولىپ تۇر. كۇنباعىس, راپس, زىعىر گەكتارىنا 2 توننادان اينالادى. ادەتتە, مايلى داقىلداردى گەكتارىنا 1,5 توننادان جينايتىنبىز. ەندى بيدايدىڭ ساپاسى دا جامان ەمەس, قامىرلىلىعى 29 پايىزعا جەتەدى. بىراق ىلعالى كوپ. كەپتىرگىشتەر بار, ونى رەتتەپ الامىز, – دەيدى «قارقىن» جاۋاپكەرشىلىگى شەكتەۋلى سەرىكتەستىگىنىڭ ديرەكتورى, قازاقستاننىڭ ەڭبەك ەرى سايران بۇقانوۆ.
دەگەنمەن, وراق بارىسى ءار شارۋاشىلىقتا ءارتۇرلى. اۋا رايىنىڭ قۇبىلۋى ديقاننىڭ تەحنيكاسىنا دا, وراق ناۋقانىنداعى شالىمدىلىعىنا دا سىن بولارى حاق. «ەلدە بولسا ەرىنگە تيەدى» دەپ, بۇكىل جۇرت ديقانداردىڭ استىعىن شاشاۋ شىعارماي جيناپ السا دەپ كۇننىڭ شۋاعىن تىلەپ وتىر.
ءنازيرا جارىمبەتوۆا,
«ەگەمەن قازاقستان».
قوستاناي وبلىسى.