18 ساۋىردە COVID–19 ىندەتى انىقتالعان ايەل ارقالىق قالاسىنداعى وڭىرلىك ەمحانا قىزمەتكەرى بولىپ شىقتى. ناۋقاس ەمدەۋ مەكەمەسىنىڭ زەرتحاناسىندا جۇمىس ىستەيدى ەكەن.
قازىر ىندەتتىڭ قايدان, قالاي جۇققانى انىقتالىپ جاتىر. زەرتحاناشى 18-ساۋىرگە دەيىن ىندەت جۇقتىرۋ تاۋەكەلى جوعارى بولعاندىقتان, ەكى اپتا كارانتينگە جاتقىزىلعان. سOVID-19 دياگنوزى راستالعاننان كەيىن ينفەكتسيا بولىمىنە اۋىستىرىلىپتى.
- ناۋقاس 14 كۇن بويى اۋرۋحانادا ەمدەلىپ جاتتى, ەشكىممەن بايلانىسپادى جانە ارقالىق قالاسىنىڭ تۇرعىندارىنا ىندەت قاۋپىن توندىرمەيدى. كوروناۆيرۋس انىقتالعاندىقتان, ناۋقاسپەن جاقىن قارىم-قاتىناستا بولعان بارلىق مەديتسينالىق قىزمەتكەرلەر اۋرۋحاناعا جاتقىزىلدى جانە تەكسەرىلدى, دەپ مالىمدەدى وڭىرلىك جەدەل اقپارات شتابى.
قازىر ارقالىقتا 11 ادام كارانتين بولىمىنە جاتقىزىلدى. ولار رەسەيدەن كەلگەن جانە ناۋقاستارمەن بايلانىستا بولعان ادامدار.
ارقالىق وڭىرلىك اۋرۋحاناسىنىڭ پروۆيزورلىق بولىمشەسىندە سۋىق تيگىزىپ العان 5 ادام جاتىر. 64 ادام ۇيىندە وقشاۋلانعان. بارلىعى پوليتسيا باقىلاۋىندا.
قوستاناي وبلىسى