كوپشىلىك كوپتەن كۇتكەن جاعىمدى جاڭالىق دەنساۋلىق ساقتاۋ باسقارماسىنان جەتتى. «توبىل قالاسىندا 3 ساۋىردە گوسپيتالعا تۇسكەن ايەل دەرتىنەن ايىقتى. ول وسى ايدىڭ باسىندا الماتىعا مىسىردان ۇشىپ كەلگەن. قوستانايعا ورالعان ايەلدى وقشاۋلاپ, گوسپيتالعا جاتقىزعان بولاتىن. ناۋقاس قازىر قۇلان-تازا ايىقتى, ەرتەڭ اۋرۋحانادان شىعارىلۋى مۇمكىن», - دەپ مالىمدەدى باسقارمانىڭ ءباسپاسوز قىزمەتى.
وكىنىشكە قاراي, بۇگىن تۇسكە تامان جىتىقارا قالاسىندا 1969 جىلى تۋعان تاعى ءبىر ايەل ادامنان COVID-19 ىندەتى انىقتالدى. وبلىس اكىمىنىڭ ورىنباسارى مارات جۇندىباەۆتىڭ ايتۋىنشا, قازىر جىتىقاراداعى اۋداندىق اۋرۋحانانىڭ ينفەكتسيا بولىمىندە ىندەتكە شالدىققان 8 ناۋقاس ەمدەلىپ جاتىر. ال پروۆيزورلىق ستاتسيوناردا 24 ادام مەديتسينالىق باقىلاۋدا. سونداي-اق اۋرۋحانانىڭ حيرۋرگيا بولىمىندە 30 ادام وقشاۋدا جاتىر. ولار 28 ساۋىردە شىعادى. №1 كارانتيندىك ستاتسيوناردا جەتى ادام جاتىر, ونىڭ بەسەۋى مەديتسينا قىزمەتكەرى. ال №2 ستاتسيوناردا جاتقان 16 ادامنىڭ بىرەۋى – مەديتسينا قىزمەتكەرى, 11-ءى - پوليتسەي.
19 ساۋىردە جىتىقارا اۋرۋحاناسىندا كارانتيندە جاتقان 94 ادامنان قان الىنىپ, تالداۋ قورىتىندىسى تەرىس ناتيجە كورسەتكەن. قازىر ولاردىڭ ءبارى ءۇي كارانتينىنە اۋىستىرىلدى.
جىتىقارادا قازىر 11 جاساندى دەمالۋ قۇرىلعىسى بار. تاياۋدا تاعى 5 قۇرىلعى كەلىپ تۇسەدى.
جالپى 20 ساۋىردەگى جاعداي بويىنشا وبلىستا COVID-19 ىندەتىن جۇقتىرعان 20 ادام انىقتالىپ, 1 ادام كوز جۇمدى. ءۇش ناۋقاس – توبىل قالاسىندا گوسپيتالدا جاتىر. جىتىقارادا – 16, ارقالىق قالاسىندا 1 ناۋقاس تىركەلگەن.
قوستاناي وبلىسى