استانادا وتكەن دامۋشى نارىقتاردىڭ ەۋرازيالىق فورۋمىنا قاتىسۋشىلار مەملەكەت باسشىسى نۇرسۇلتان نازارباەۆتىڭ قازاقستان دامۋىنىڭ 2050 جىلعا دەيىنگى ستراتەگياسىن ەكى كۇن بويى تالقىلاپ, وعان وڭ باعا بەرگەنى ءمالىم. وسىعان دەيىنگى ۋاقىتتا جاس تاۋەلسىز مەملەكەتتىڭ ەكونوميكاسى شيكىزاتتىق رەسۋرستاردى يگەرۋ, ولاردى حالىقارالىق رىنوكتارعا شىعارۋدى جولعا قويۋ نەگىزىندە دامىپ كەلگەنى بەلگىلى. ال قازاقستان دامۋىنىڭ 2050 جىلعا دەيىنگى ستراتەگياسى مۇلدەم جاڭا ماقساتتى كوزدەيدى. قۇجاتتا نەگىزگى ەكپىن ادام رەسۋرستارىن دامىتۋ, يننوۆاتسيالىق تەحنولوگيالاردى يگەرۋ ماسەلەسىنە تۇسەدى. ماسەلەنى تالقىلاۋعا قاتىسقان ساراپشىلاردىڭ كوپشىلىگى وسى ءجايتتى اتاپ كورسەتتى. ەندى سولاردىڭ بىرقاتارىنا ءسوز بەرەيىك.
استانادا وتكەن دامۋشى نارىقتاردىڭ ەۋرازيالىق فورۋمىنا قاتىسۋشىلار مەملەكەت باسشىسى نۇرسۇلتان نازارباەۆتىڭ قازاقستان دامۋىنىڭ 2050 جىلعا دەيىنگى ستراتەگياسىن ەكى كۇن بويى تالقىلاپ, وعان وڭ باعا بەرگەنى ءمالىم. وسىعان دەيىنگى ۋاقىتتا جاس تاۋەلسىز مەملەكەتتىڭ ەكونوميكاسى شيكىزاتتىق رەسۋرستاردى يگەرۋ, ولاردى حالىقارالىق رىنوكتارعا شىعارۋدى جولعا قويۋ نەگىزىندە دامىپ كەلگەنى بەلگىلى. ال قازاقستان دامۋىنىڭ 2050 جىلعا دەيىنگى ستراتەگياسى مۇلدەم جاڭا ماقساتتى كوزدەيدى. قۇجاتتا نەگىزگى ەكپىن ادام رەسۋرستارىن دامىتۋ, يننوۆاتسيالىق تەحنولوگيالاردى يگەرۋ ماسەلەسىنە تۇسەدى. ماسەلەنى تالقىلاۋعا قاتىسقان ساراپشىلاردىڭ كوپشىلىگى وسى ءجايتتى اتاپ كورسەتتى. ەندى سولاردىڭ بىرقاتارىنا ءسوز بەرەيىك.
تامار مانۋەليان اتينك,
بۇكىلالەمدىك بانكتىڭ ادام دامۋى جونىندەگى ەكس-ديرەكتورى:
– مەن قازاقستان پرەزيدەنتى نۇرسۇلتان نازارباەۆتىڭ 2050 جىلعا تامان ءوز ەلىن الەمدەگى ەڭ مىقتى دامىعان 30 مەملەكەتتىڭ قاتارىنا قوسۋ ستراتەگياسىن تىڭداپ, ەرەكشە ريزا بولدىم. فورۋمنىڭ پلەنارلىق ماجىلىسىندە مەملەكەت باسشىسى وسى ماقساتقا قول جەتكىزۋدىڭ جولدارىن ايتىپ بەردى. پرەزيدەنت بايانداماسى وتە جاقسى جاسالىنعان. وندا 2050 جىلعا دەيىنگى ۋاقىتتا حالىقارالىق قاۋىمداستىقتا بولاتىن وزگەرىستەر قامتىلعان.
پرەزيدەنت ءوزىنىڭ ءسوزىنىڭ بارىسىندا ستراتەگيا العا قويعان مىندەتتەرگە سايكەس ەندىگى كەزەكتە شيكىزاتقا باعىتتالعان ەكونوميكادان شىعۋ, ونى جاڭا جولعا سالۋ قاجەتتىگىن ايتتى. سونىڭ نەگىزگى جولى رەتىندە ادامداردىڭ ءادىل دە ەركىن ءومىر ءسۇرۋىن قامتاماسىز ەتەتىن قۇقىقتىق رەفورما جۇرگىزىلىپ, تاۋەلسىز دە اشىق سوت جۇيەسى جاساقتالىنباق. ال ەكونوميكادا نەگىزگى نازار ادام كاپيتالىن دامىتۋعا اۋدارىلماق.
مەنىڭ ويىمشا, بۇلار ستراتەگيادا العا قويىلعان ماقساتقا قول جەتكىزۋ ءىسىنىڭ اسا ماڭىزدى قاعيداتتى شارتتارى بولىپ تابىلادى.
ارينە, قازاقستان مينەرالدى رەسۋرستارعا وتە باي. بىراق ولاردىڭ بارلىعى كەز كەلگەن تابيعي رەسۋرس سەكىلدى شەكتەۋلى عانا مانگە يە. سوندىقتان, وسى مينەرالدى رەسۋرستاردى ادام كاپيتالىن دامىتۋ ىسىنە ءساتتى دە ءتيىمدى پايدالانۋ, جەر بايلىقتارىن ادام بايلىعىنا اۋدارۋ جولدارى قاراستىرىلعان. ال, ادامنىڭ رەسۋرستىق الەۋەتى كەز كەلگەن تابيعي شيكىزاتتىق بايلىقپەن سالىستىرعاندا شەكسىز ەكەندىگى بەلگىلى. ادامعا قانشالىقتى ءبىلىم بەرسەڭ, ول سوعۇرلىم العا باسىپ دامي بەرەدى. قازىرگى دۇنيەدەگى بارلىق ماتەريالدىق بايلىقتى ادامنىڭ اقىل-ويى مەن قايرات-جىگەرى جاساعان. ادام رەسۋرستارىن دامىتۋ دەگەنىمىز – سول بايلىقتى ەسەلەۋ جولى. ءومىردىڭ نەگىزگى ءمانى دە ادامنىڭ باقىتتى دا باقۋاتتى ومىرگە قول جەتكىزۋىمەن, ەركىن ويلاي ءبىلۋ قابىلەتىمەن ولشەنەدى.
مىنە, وسى تۇرعىدان العاندا نۇرسۇلتان نازارباەۆتىڭ الداعى ۇزاق مەرزىمگە ارناپ جاريالاپ وتىرعان مەملەكەتتىك ساياساتى نەگىزگى ومىرلىك ماقساتتاردى ءدوپ باسىپ وتىر. بۇل ساياسات جاستارعا تاربيە مەن ءبىلىم بەرۋ, دەنساۋلىقتارىن نىعايتۋ, ولاردى العى كۇندەرگە جىگەرلەندىرە وتىرىپ, ارماندارىنا قانات بىتىرۋگە نەگىزدەلگەن.
بولاشاقق