بۇگىن, سولتۇستىك كاسپيدەگى «قاشاعان» كەن ورنىندا مۇنايدىڭ العاشقى باررەلىن ءوندىرۋ باستاۋ الدى. بۇل تۋرالى «نورت كاسپيان وپەرەيتينگ كومپاني ب.ۆ.» («نكوك») كومپانياسىنىڭ ءباسپاسوز قىزمەتى حابارلادى. بۇعان دەيىن «قازمۇنايگاز» پرەزيدەنتى ساۋات مىڭباەۆ اتالعان كەن ورنىنان العاشقى مۇناي تامشىلارىن ءوندىرۋ 9 قىركۇيەكتە باستالاتىنىن ءمالىم ەتكەن ەدى. كەيىننەن مۇناي جانە گاز ءمينيسترى ۇزاقباي قارابالين «قاشاعان» مۇنايىنىڭ ءسال كەيىندەۋ وندىرىلەتىنىن جاريالادى.
ەندى مىنە, كوپتەن كۇتكەن «قاشاعاننىڭ» مۇنايى وندىرىلە باستادى. وسىلايشا, قازاقستاننىڭ مۇناي-گاز ونەركاسىبىنىڭ تاريحىندا العاش رەت سۋ استىنان مۇناي ءوندىرۋ جىلناماسى جازىلا باستادى. ەسكە سالا كەتەيىك, «قاشاعان» –سولتۇستىك كاسپيدەگى اسا ءىرى كەن ورنى. اتىراۋدان وڭتۇستىك-شىعىسقا قاراي 80 شاقىرىم قاشىقتىقتا ورنالاسقان. گەولوگيالىق قورى شامامەن 35 ميلليارد باررەلدى قۇرايدى.
جولداسبەك شوپەعۇل,
اتىراۋ وبلىسى.