الماتى قالاسى اكىمىنىڭ ورىنباسارى ەرجان باباقۇماروۆ بەينە-كونفەرەنتسيا رەجيمىندە ورتالىق قالالىق كلينيكالىق اۋرۋحانا ۇجىمىمەن كەزدەسۋ وتكىزدى.
جيىنعا قوعامدىق دەنساۋلىق ساقتاۋ باسقارماسى مەن تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىلىعى قاتىستى. كەزدەسۋدە ورتالىق قالالىق كلينيكالىق اۋرۋحاناعا ۋاقىتشا ورنالاستىرىلعان دارىگەرلەر مەن مەديتسينالىق قىزمەتكەرلەردىڭ ماسەلەلەرىن شەشۋ جولدارى قاراستىرىلدى.
بۇگىندە اۋرۋحانا اۋماعىنداعى كوروناۆيرۋستىق ينفەكتسيانىڭ وشاعى اۋىزدىقتالىپ, ءبىرىنشى جانە ەكىنشى دەڭگەيدە بايلانىس ورناتقاندار انىقتالعان. ورتالىق قالالىق كلينيكالىق اۋرۋحانانىڭ باسشىسى مىندەتىن اتقارۋشى مارات ابدۋللاەۆ وتكەن تاۋلىكتە اۋرۋحانا اۋماعىنداعى 316 تۇلعادان تالداۋلار (اناليز) ەكىنشى قايتارا الىنعانىن مالىمدەدى. بۇگىن تاعى 249 ادام قايتا تەستىلەۋدەن وتەدى. سونىمەن بىرگە, اۋرۋحانانىڭ باس دارىگەرى وسىعان دەيىن ايتىلعان ۇسىنىستاردىڭ ەسكەرىلگەنىن تىلگە تيەك ەتتى. ەڭ الدىمەن ەمحانادا انتيسەپتيكالىق جانە دەزينفەكتسيالىق قۇرالدار ارتىپ, تاماقپەن قامتاماسىز ەتۋ ماسەلەسى دە شەشىمىن تاپقان. كەزدەسۋدە وفتالمولوگيا ءبولىمىنىڭ مەڭگەرۋشىسى ب.جولداسوۆ, تراۆموتولوگيا ءبولىمىنىڭ مەڭگەرۋشىسى ب.ەرعاليەۆ, فيزيوتەراپيالىق ءبولىم مەڭگەرۋشىسى ا.تورەقۇلوۆا, سونىمەن بىرگە, قازمۇببۋ تراۆموتولوگيا جانە ورتوپەديا كافەدراسىنىڭ دوتسەنتى ك.ورازاليەۆ پەن «اگجپعو» اق تاۋەلسىز ديرەكتورى, ازاماتتىق بەلسەندى ا.ءالجانوۆا قاتىستى.
قالا اكىمىنىڭ ورىنباسارى ەرجان باباقۇماروۆ COVID-19-عا تەست دەر كەزىندە الىنىپ, ونىڭ ناتيجەسى ءار ادامعا ۋاقىتىلى بەرىلۋ كەرەكتىگىنىڭ ماڭىزدىلىعىن اتاپ ءوتتى. ناتيجەسى تەرىس شىققان دارىگەرلەر مەن مەديتسينا قىزمەتكەرلەرى ارنايى دايىندالعان قوناق ءۇي كەشەندەرىنە ينكۋباتسيالىق كەزەڭ اياقتالعانعا دەيىن كارانتينگە جاتقىزىلادى.
«اۋرۋحانا قىزمەتكەرلەرىن قايتا تەكسەرۋ جانە ساراپتاما ناتيجەلەرىن قولدارىنا بەرۋگە باسىمدىق بەرىپ وتىرمىز», – دەپ اتاپ ءوتتى ەرجان باباقۇماروۆ. قوعامدىق دەنساۋلىق ساقتاۋ باسقارماسى مەن تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنە بىرلەسە وتىرىپ, از ۋاقىتتىڭ ىشىندە بۇل جۇمىستى اياقتاۋدى تاپسىردى.
سونداي-اق, قالا اكىمىنىڭ ورىنباسارى ەرجان باباقۇماروۆ مەديتسينالىق جوعارى وقۋ ورىندارى باسشىلارىنىڭ قاتىسۋىمەن وتكەن كەزدەسۋدە مەديتسينالىق ۇيىمدارعا بەكىتىلگەن دارىگەر-رەزيدەنتتەردىڭ ەڭبەك قاۋىپسىزدىگىن قامتاماسىز ەتۋ ماسەلەلەرىن كوتەردى. بۇگىندە ولاردىڭ اراسىندا كوروناۆيرۋس ينفەكتسياسىن جۇقتىرۋ جاعدايلارى تىركەلگەن. اتالعان ناۋقاستار قازىر ينفەكتسيالىق ستاتسيونارلاردا ەم الۋدا. بۇل رەتتە ناۋقاستارعا قولداۋ كورسەتۋ, سونىڭ ىشىندە پسيحولوگيالىق كومەك بەرۋ جوعارى وقۋ ورىندارىنىڭ رەكتورلارىنا تابىستالدى. قوعامدىق دەنساۋلىق ساقتاۋ باسقارماسىنا ساپالى مەديتسينالىق قىزمەت كورسەتۋدى قامتاماسىز ەتۋ بويىنشا جان-جاقتى شارالار قابىلداۋ قاجەتتىگى تاپسىرىلدى. بۇگىندە اتالعان جۇقتىرۋ فاكتىلەرى بويىنشا تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىمەن ەپيدەميولوگيالىق تەكسەرۋلەر جۇرگىزىلۋدە.