جەكسەنبى, 19 ءساۋىر كۇنى الماتىدا Cوvid-19 دياگنوزى قويىلعانداردىڭ جالپى سانى 513-كە جەتتى.
قالادا تاعى دا 8 ادامنىڭ ىندەت جۇقتىرعانى بەلگىلى بولدى. ولاردىڭ 6-ۋى بالالار قالالىق جۇقپالى اۋرۋلار اۋرۋحاناسىنىڭ, بىرەۋى ورتالىق قالالىق كلينيكالىق اۋرۋحاناسىنىڭ قىزمەتكەرى جانە بىرەۋى پروۆيزورلىق ستاتسيوناردا كارانتيندە ەمدەلىپ جاتقان, بۇعان دەيىن ۆيرۋس جۇقتىرعان ناۋقاسپەن بايلانىستا بولعان پاتسيەنت.
جالپى ينفەكتسيالىق ستاتسيونارلاردا الماتى وبلىسىنىڭ 1 ايەل ادامىن قوسا ەسەپتەگەندە, كوروناۆيرۋستىق ينفەكتسيادان 427 ادام ەمدەلىپ جاتىر.
ناۋقاستاردىڭ جاي-كۇيى: 3 پاتسيەنتتىڭ جاعدايى – وتە اۋىر, 6-ۋىندا – اۋىر, 121 ادامدا – اۋىرلىقتىڭ ورتاشا دارەجەسىندە, قالعاندارى قاناعاتتانارلىق جاعدايدا.
الماتىدا كوروناۆيرۋستىق ينفەكتسيادان جازىلىپ شىققان 84 پاتسيەنت بار.
پروۆيزورلىق گوسپيتالداردا 278 ادام, كارانتيندىك وقشاۋلاۋدا – 431, ءۇي كارانتينىندە 9687 ادام بار.