نۇر-سۇلتان قالاسىندا كوروناۆيرۋسپەن كۇرەسىپ جاتقان دارىگەرلەردىڭ بەينەسى تۇرعىن ءۇي كەشەنىنىڭ قاسبەتىندە پايدا بولادى. ەلوردانىڭ شىعارماشىلىق قاۋىمداستىعى سۋرەتتى (مۋرالدى) مەديتسينالىق قىزمەتكەرلەرگە ارناپ جاتىر, دەپ حابارلادى قالا اكىمدىگىنىڭ ءباسپاسوز قىزمەتى.
«شىعارماشىلىق ادامدارى ونلاين-كونتسەرتتەر وتكىزىپ, ەرىكتىلەرگە كومەكتەسىپ جاتىر. ادامدار ءبىر-بىرىنە قولداۋ كورسەتۋ ماقساتىمەن بىرىگۋدە. سۋرەتشىلەر اتىنان وسى شىعارماشىلىق جوبا ارقىلى كوروناۆيرۋسپەن كۇرەسىپ جاتقان مەديتسينا سالاسىنىڭ قىزمەتكەرلەرىنە ريزاشىلىعىمىزدى ءبىلدىرىپ, ء«بىز بىرگەمىز» جالپىۇلتتىق اكتسياسىنا قوسىلامىز. مۋرال سالۋداعى باستى ماقسات - دارىگەرلەرگە العىس ءبىلدىرۋ! سىزدەرگە العىسىمىز شەكسىز. بۇل ىندەتپەن كۇرەسىپ جاتقان ءار قىزمەتكەردى باتىر سانايمىز. قالا اكىمدىگىنە بىلدىرگەن قولداۋى ءۇشىن العىس ايتامىز. ۇلكەن شىعارماشىلىق توپ جۇمىس ىستەپ جاتىر. ءبىز بىرگەمىز»,- دەدى كريستينا بەكمۋرزاەۆا.
ەلوردا اكىمدىگى شىعارماشىلىق قاۋىمداستىقتىڭ باستاماسىن قولداپ, قاجەتتى تەحنيكانى ۇيىمداستىرۋعا كومەك كورسەتتى.