اقمولادا كوكتەمگى دالا جۇمىستارىندا ىركىلىس بولمايدى

توتەنشە جاعداي كەزىندە ىرعالىپ-جىرعالۋدى كوتەرمەيتىن كوكتەمگى ەگىس ناۋقانىن ۋاقىتىلى ءارى ساپالى وتكىزۋدى وبلىس اكىمدىگى ەرەكشە نازاردا ۇستاپ وتىر. وسى ماقساتتا وبلىستاعى بلوك پوستتاردان فەرمەرلەر مەن شارۋا قوجالىقتارىنىڭ وكىلدەرى كەدەرگىسىز وتەتىن جاعداي تۋدىرىلىپ وتىر. قابىلدانعان شارالاردىڭ ناتيجەسىندە جەرگىلىكتى اۋىل شارۋاشىلىعى تاۋارلارىن وندىرۋشىلەر 18,7 ميلليارد  تەڭگە كولەمىندەگى مەملەكەتتىك قولداۋعا يە بولدى.

وبلىستىق اۋىل شارۋاشىلىعى باسقارماسىنىڭ باسشىسى ديماش تالاسباەۆتىڭ حابارلاۋىنا قاراعاندا, «اگرارلىق نەسيەلىك كورپوراتسيا» اكتسيونەرلىك قوعامىنىڭ نەسيەلەۋ باعدارلاماسى وپەراتورىنا كۇنى بۇگىنگە دەيىن 220 ءوتىنىم ءتۇسىپ, ونىڭ 206-سى قاناعاتتاندىرىلعان.

اقمولا وبلىسىنىڭ ديقاندارى ۇستىمىزدەگى جىلى 4,9 ميلليون گەكتار القاپقا ءداندى-داقىلدار تۇقىمىن سىڭىرمەك.