ەلورداداعى بايىرعى ءبىلىم ۇيالارىنىڭ بىرەگەيى ج.جاباەۆ اتىنداعى №4 مەكتەپ-گيمنازياسىندا «يادرولىق سىناقتاردىڭ سەبەپتەرى مەن زارداپتارى» دەگەن تاقىرىپتا دوڭگەلەك ۇستەل ءوتتى. وعان قالا مەكتەپتەرىنىڭ وقۋشىلارى قاتىسىپ, يادرولىق سىناقتاردىڭ كەلتىرەتىن قاسىرەتتەرى تۋرالى وي ءبولىسىپ, مۇنداي الاپات قارۋدى جەر بەتىنەن مۇلدە جويىپ, باياندى بەيبىتشىلىك ورناتۋ جونىندەگى ەلباسى نۇرسۇلتان نازارباەۆتىڭ ساليقالى يدەيالارىن قولدايتىندىقتارىن ءبىلدىردى.
ەلورداداعى بايىرعى ءبىلىم ۇيالارىنىڭ بىرەگەيى ج.جاباەۆ اتىنداعى №4 مەكتەپ-گيمنازياسىندا «يادرولىق سىناقتاردىڭ سەبەپتەرى مەن زارداپتارى» دەگەن تاقىرىپتا دوڭگەلەك ۇستەل ءوتتى. وعان قالا مەكتەپتەرىنىڭ وقۋشىلارى قاتىسىپ, يادرولىق سىناقتاردىڭ كەلتىرەتىن قاسىرەتتەرى تۋرالى وي ءبولىسىپ, مۇنداي الاپات قارۋدى جەر بەتىنەن مۇلدە جويىپ, باياندى بەيبىتشىلىك ورناتۋ جونىندەگى ەلباسى نۇرسۇلتان نازارباەۆتىڭ ساليقالى يدەيالارىن قولدايتىندىقتارىن ءبىلدىردى.
اتالمىش شارا اياسىندا №4 مەكتەپ-گيمنازيانىڭ وقۋشىلارى ع.ابدۋعاليموۆ, ا.مەرگەنبەك, ن.عازيزوۆا, №19 مەكتەپتەن ت.ەسەنگەلدينا, №24 ءبىلىم ۇياسىنان م.يبرايم, №29 مەكتەپتەن ا.امانگەلدينوۆا, №56 مەكتەپتەن ج.مىقتىباەۆا, №63 مەكتەپتەن د.راحىمبەكوۆ, №68 مەكتەپتەن ە.بەليالوۆ قازاق توپىراعىندا 40 جىلدان اسا جاسالعان سىناقتار تۋرالى ءپىكىرلەرىن ورتاعا سالىپ, ادام جانىن تۇرشىكتىرەتىن مىسالداردى العا تارتتى. دوڭگەلەك ۇستەلگە تەك استانا قالاسى مەكتەپ وقۋشىلارى عانا ەمەس, اقمولا وبلىسى, تسەلينوگراد اۋدانى, ماكسيموۆكا اۋىلدىق وكرۋگىندەگى ورتا مەكتەپ وقۋشىسى ءنازيرا ەرمەك تە كەلىپ, «يادرولىق سىناقتاردىڭ قورشاعان ورتاعا زيانى» اتتى تاقىرىپتا ءوز بايلامىن ورتاعا سالدى. ونىڭ بەيبىت ومىرگە قۇلشىنىسى, الاپات قارۋدان ارىلۋ ارقىلى ادامزاتقا باقىت سىيلاۋ كەرەكتىگى تۋرالى تىڭ تۇجىرىمدارى جينالعانداردىڭ كوڭىلىنەن شىقتى.
سول سەكىلدى وقۋشىلاردىڭ باستاماسىمەن وتكەن باسقوسۋدا قازاق گۋمانيتارلىق زاڭ ۋنيۆەرسيتەتىنىڭ حالىقارالىق قۇقىق جانە حالىقارالىق قاتىناستار فاكۋلتەتىنىڭ ستۋدەنتى ءابىل سىرىم «يادرولىق قارۋسىزدانۋدىڭ كوشباسشىسى – قازاقستان» دەگەن تاقىرىپتا بايانداما جاساپ, حيروسيما, ناگاساكي, سەمەي پوليگونىنا قاتىستى سۋرەتتەردى, پلاكاتتاردى, سلايدتاردى جۇرتشىلىقتىڭ نازارىنا ۇسىندى.
قازاق ەلىنىڭ بولاشاعىنا ءوز ۇلەستەرىن قوسۋدى ماقسات ەتكەن, وتانشىلدىق رۋحى مىقتى جاستار بۇل باستاماسىنا ۇيىتقى بولعان اتالمىش مەكتەپتىڭ تاريح, قازاق ءتىلى پاندەرىنىڭ مۇعالىمدەرى گ.بايقاداموۆا, د.اقجانوۆا, ج.مۇستافينا, ا.سەيدۋاليەۆا, گ.سۇلتانباەۆا, س.ماحانوۆا جانە مەملەكەتتىك تاريح ينستيتۋتىنىڭ جەتەكشى قىزمەتكەرى س.دۇيسەن, ت.ب. ازاماتتار ەكەنىن ايتا كەتكەنىمىز ءلازىم.
سەرىك قانباەۆ,
ج.جاباەۆا اتىنداعى
№4 مەكتەپ-گيمنازياسىنىڭ مۇعالىمى.