مەملەكەت باسشىسى نۇرسۇلتان نازارباەۆ استاناعا كەزەكتى وتىرىسقا قاتىسۋ ءۇشىن كەلگەن تمد-عا مۇشە مەملەكەتتەردىڭ ىشكى ىستەر مينيسترلەرىن قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
مەملەكەت باسشىسى نۇرسۇلتان نازارباەۆ استاناعا كەزەكتى وتىرىسقا قاتىسۋ ءۇشىن كەلگەن تمد-عا مۇشە مەملەكەتتەردىڭ ىشكى ىستەر مينيسترلەرىن قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
ءوز سوزىندە قازاقستان پرەزيدەنتى تمد-عا مۇشە مەملەكەتتەر ىشكى ىستەر مينيسترلەرىنىڭ العاشقى كەڭەسى الماتىدا وتكەنىن ەسكە سالىپ ءوتتى.
– تمد-نىڭ ارتىقشىلىعى سول, مۇشە مەملەكەتتەردىڭ باسشىلارى تۇراقتى كەزدەسىپ تۇرادى, ءتۇرلى ماسەلەلەر جونىندە پىكىرلەسىپ وتىرادى. مەملەكەتتەردىڭ بارلىعى بۇگىندە قۇقىقتىق تارتىپكە مۇددەلى, ونسىز ەشقانداي رەفورما دا, ەلدەردىڭ دامۋى دا مۇمكىن ەمەس. سوندىقتان قىلمىسكەرلەر ەشقايدا بوي تاسالاي المايتىنىن ءتۇسىنۋى ءۇشىن ءوزارا كومەكتىڭ ماڭىزى زور. ويتكەنى, سىزدەر بىرلەسە ءىس-قيمىل جاساپ, ءبىر-بىرىڭىزگە قول ۇشىن بەرىپ وتىرسىزدار. مۇندا پايدا دا كوپ, قاجەتتىلىگى دە سوندا, – دەدى مەملەكەت باسشىسى.
نۇرسۇلتان نازارباەۆ قازاقستاندا ءۇشىنشى جىل قاتارىنان قۇقىق قورعاۋ سالاسىندا ۇلكەن رەفورمالار جۇرگىزىلىپ جاتقانىن دا ايتىپ ءوتتى.
– كادرلاردى اۋقىمدى اتتەستاتتاۋ وتكىزىلدى, قۇقىق قورعاۋ ورگاندارىنىڭ شتات سانىن قىسقارتۋ ماڭىزدى ءرول اتقاردى. وسىعان بايلانىستى ءبىز پوليتسەيلەردىڭ الەۋمەتتىك تۇرعىدا قامتاماسىز ەتىلۋ دەڭگەيىن كۇرت ارتتىردىق. ولاردىڭ ەڭبەكاقىسى مەن وزگە دە تولەماقىلارى اسكەري قىزمەتشىلەرمەن تەڭەستىرىلدى. قازىر قىلمىستىق, قىلمىستىق-ءىس جۇرگىزۋ جانە قىلمىستىق-اتقارۋ كودەكستەرىنىڭ جوبالارى قارالۋ ۇستىندە. ونىڭ تۇپكى ءمان-ماقساتى – قىلمىسسىزداندىرۋ جانە تۇرمەدەگىلەر سانىن ازايتۋ, – دەدى قازاقستان پرەزيدەنتى.
مەملەكەت باسشىسى قۇقىق ءتارتىبىن ساقتاۋ كۇشتەرىنىڭ جۇمىس ساپاسىن باعالاۋعا دەگەن كوزقاراستاعى وزگەرىستەر تۋرالى دا حاباردار ەتتى.
– قۇقىق قورعاۋ ورگاندارىنىڭ وزگە ەلدەردىڭ ءتيىستى ۆەدومستۆولارىمەن ءوزارا ءىس-قيمىلىنىڭ زور ءمانى بار. سىزدەر قابىلدايتىن قۇجاتتار, كەلىسىمدەر – ەلدەرىمىزدىڭ ارقايسىسى ءۇشىن ماڭىزدى جۇمىس. سوندىقتان مەن تمد-دا ينتەرپولدىڭ وزىمىزدەگى بالاماسىن قۇرۋدى ۇسىندىم. بۇل ماسەلە تالقىلانادى, ەگەر سىزدەر قولداساڭىزدار, ءبىز مەملەكەتتەرىمىزدىڭ اۋماعىندا قىلمىسقا قارسى بىرلەسىپ كۇرەسۋ ءۇشىن سونداي ءبىر قۇرىلىم قۇرىلاتىن بولادى, – دەدى نۇرسۇلتان نازارباەۆ.
ىشكى ىستەر ءمينيسترى ق.قاسىموۆ كەڭەس وتىرىسى بارىسىندا دوستاستىق ەلدەرىنىڭ پوليتسيا قۇرىلىمىنىڭ جەتەكشىلەرى 2020 جىلعا دەيىنگى ىنتىماقتاستىق تۇجىرىمداماسى جوباسىن, سونداي-اق بۇعان دەيىن قابىلدانعان قىلمىسقا قارسى كۇرەستىڭ مەملەكەتارالىق باعدارلامالارىنىڭ ىسكە اسىرىلۋ بارىسىن تالقىلايتىنىن مالىمدەدى.
– رەسەي فەدەراتسياسى مەن بەلارۋس رەسپۋبليكاسى ىشكى ىستەر مينيسترلەرىمەن ءبىرلەسىپ ءبىز ءوزارا ءىس-قيمىل پروبلەماسىن ءبولەك تالقىلايمىز جانە كەدەن وداعى مەن ءبىرتۇتاس ەكونوميكالىق كەڭىستىك اۋماعىندا مينيسترلىكتەرىمىزدىڭ بىرلەسكەن جۇمىسىنىڭ ودان ارعى باعىتتارىن ايقىندايمىز, – دەدى ق.قاسىموۆ.