قايبىر جىلى جامبىل جەرىندە باۋىرجان مومىش ۇلىنىڭ 100 جىلدىق مەرەيتويى ءوتىپ, توي قارساڭىندا باتىردىڭ 30 تومدىق كىتابى جارىق كورگەنىن ەل جاقسى بىلەدى. سول كىتاپتىڭ 17-تومىنىڭ 165-166-بەتتەرىنەن مىنا ءبىر شاعىن وقيعانى وقىپ, تاڭ قالدىم. بۇل نەمىستەردىڭ ماسكەۋگە ەنتەلەپ كەلە جاتقان كەزىندە بولعان. ورمان ىشىندە جاۋعا تويتارىس بەرەتىن الاڭ تار بولعاندىقتان كوماندير قالىڭ اعاشتى وتاۋعا بۇيرىق بەرەدى. سولداتتار ىسكە كىرىسكەن كەزدە ورمانشى كەلىپ: «ەست پوستانوۆلەنيە سوۆناركوما زا تاكيم-تو نومەروم. ەتو زاپوۆەدنيك. ۆى زا ەتو بۋدەتە پريۆلەچەنى ك وتۆەتستۆەننوستي, نيكاكيح رازگوۆوروۆ» دەپ قارسى شىعىپتى. «يا توگدا لەسنيچيح ەششە سلۋشالسيا...», دەپ باۋكەڭ سول سۇراپىل كۇندەردى ەسكە الادى. مىنە, بۇل سوعىس ۋاقىتى, ءولىم مەن ءومىردىڭ ءسات سايىن الماسىپ, اعاش تۇگىلى ادامنىڭ باۋداي قىرىلىپ جاتقان كەزىندە بولعان وقيعا. ال, ءبىزدىڭ كەيبىر شىمكەنتتىك كاسىپكەرلەر ايدىڭ-كۇننىڭ امانىندا, بەيبىت زاماندا-اق بىرنەشە گەكتار جەردىڭ اعاشىن وتاپ, ورنىنا بازار سالىپ جىبەرىپتى. باۋكەڭ جاۋدى قىرسا, بۇلار باۋدى قىرعان عوي.
قايبىر جىلى جامبىل جەرىندە باۋىرجان مومىش ۇلىنىڭ 100 جىلدىق مەرەيتويى ءوتىپ, توي قارساڭىندا باتىردىڭ 30 تومدىق كىتابى جارىق كورگەنىن ەل جاقسى بىلەدى. سول كىتاپتىڭ 17-تومىنىڭ 165-166-بەتتەرىنەن مىنا ءبىر شاعىن وقيعانى وقىپ, تاڭ قالدىم. بۇل نەمىستەردىڭ ماسكەۋگە ەنتەلەپ كەلە جاتقان كەزىندە بولعان. ورمان ىشىندە جاۋعا تويتارىس بەرەتىن الاڭ تار بولعاندىقتان كوماندير قالىڭ اعاشتى وتاۋعا بۇيرىق بەرەدى. سولداتتار ىسكە كىرىسكەن كەزدە ورمانشى كەلىپ: «ەست پوستانوۆلەنيە سوۆناركوما زا تاكيم-تو نومەروم. ەتو زاپوۆەدنيك. ۆى زا ەتو بۋدەتە پريۆلەچەنى ك وتۆەتستۆەننوستي, نيكاكيح رازگوۆوروۆ» دەپ قارسى شىعىپتى. «يا توگدا لەسنيچيح ەششە سلۋشالسيا...», دەپ باۋكەڭ سول سۇراپىل كۇندەردى ەسكە الادى. مىنە, بۇل سوعىس ۋاقىتى, ءولىم مەن ءومىردىڭ ءسات سايىن الماسىپ, اعاش تۇگىلى ادامنىڭ باۋداي قىرىلىپ جاتقان كەزىندە بولعان وقيعا. ال, ءبىزدىڭ كەيبىر شىمكەنتتىك كاسىپكەرلەر ايدىڭ-كۇننىڭ امانىندا, بەيبىت زاماندا-اق بىرنەشە گەكتار جەردىڭ اعاشىن وتاپ, ورنىنا بازار سالىپ جىبەرىپتى. باۋكەڭ جاۋدى قىرسا, بۇلار باۋدى قىرعان عوي.
شىمكەنت قالاسىنىڭ شەتىندە, قازىعۇرتقا شىعاتىن جولدىڭ بويىندا جۇرت «جۇمانوۆ كولىك بازارى» دەپ اتايتىن ۇلكەن ساۋدا ورنى بار. كورسەڭ كوزدىڭ جاۋىن الاتىن كولىكتەردىڭ نەبىر «كوكەسى» وسىندا تۇر. ايتەۋىر, كولىك العىسى, ساتقىسى كەلەتىندەردىڭ ءبارى وسى جاقتى جاعالايدى. بىراق, سوڭعى ۋاقىتتا بۇل بازاردىڭ باسىنان بۇلت كەتپەي قويدى. ءبىر جاعى بۇل بازار يەسىنىڭ جۇمباق جاعدايدا قايتىس بولىپ, وتباسى مۇشەلەرىنىڭ ءبىر-بىرىمەن ايتىسىپ-تارتىسىپ كەتۋى دە بۇل بۇلتتى قويۋلاندىرا تۇسكەندەي... مەيلى عوي, بارىنە ۋاقىت تورەشى. بىزگە بەلگىلىسى, وسى بازاردىڭ قوجايىندارى كەزىندە وبلىستىڭ ورمان قورىنان 11 گەكتار جەر جالعا العان ەكەن. ونىڭ 8,54 گەكتارى جاسىل جەلەگى جايقالىپ تۇرعان ورمان بولعان. ءسويتىپ, كوپ وتپەي-اق وسىنشاما اعاش وتالىپ, بۇل جەرلەر بازار اۋماعىنا كىرىپ كەتەدى. بۇل ماسەلەدە ورمان شارۋاشىلىعى, شىمكەنت قالالىق اكىمدىگى, «جۇمانوۆ» شك بىرنەشە رەت سوتتاسقان. بىراق, ەشقانداي ناتيجە جوق, كولىك بازارى ءالى كۇنگە كەڭىنەن جايىلىپ, ساۋداسىن جاساپ جاتىر.
ەندى مىنانى قاراڭىز, كولىك بازارىنىڭ ماڭىندا قازىعۇرت, ساۋلە شاعىن اۋداندارى ورنالاسقان. تىعىز ورنالاسقاندىقتان مۇندا 80 مىڭعا جۋىق حالىق تۇرادى. «ەكى شاعىن اۋداندا دا اۋرۋحانا, بالاباقشا, ساياباق, سپورت كەشەندەرى اتىمەن جوق. الگى باۋدان ەڭ بولماعاندا وسىنداي الەۋمەتتىك نىساندارعا ورىن بەرۋگە بولار ەدى عوي. بۇل شىمقالانىڭ كوركىن اشا تۇسەر ەدى. ال, بۇل ماڭداعى حالىق «جۇمانوۆ» بازارىنان قايتا زارداپ شەگىپ وتىر. سەنبى-جەكسەنبى كۇندەرى بازار ماڭى كولىك پەن حالىققا تولىپ كەتەتىندىكتەن «قازىعۇرت» پەن «ساۋلەگە» باراتىن جولداردى بىلاي قويعاندا, حالىقارالىق دارەجەدەگى شىمكەنت-تاشكەنت باعىتىنداعى تاس جولدىڭ وزىمەن ءجۇرۋ مۇمكىن بولماي كەتەدى. ءتىپتى «جەدەل جاردەمنىڭ» دىتتەگەن جەرىنە جەتە الماي تۇرعانىن تالاي مارتە كوردىم. ايتقان جەردەن اۋلاق, بۇل ماڭنان جازاتايىم وت شىقسا ءورت ءسوندىرۋ تەحنيكاسىنىڭ جىلدام جەتە المايتىنى تاعى انىق. قالاي ايتساق تا, بۇل بازار ەكى شاعىن اۋدانعا وتەتىن قىلكوپىر سياقتى. قۇدايعا شۇكىر, شىمكەنت ەتەگىن كەڭگە جايىپ, كۇننەن-كۇنگە كورىكتەنىپ, بازارلارىنىڭ ءبارىن سىرتقا كوشىرىپ جاتىر. بۇل بازارعا دا سونداي ۋاقىت كەلگەن سەكىلدى. سەنبى, جەكسەنبى كۇندەرى ۇلكەن جولدىڭ اينالاسىنىڭ ءبارى كولىك تۇراعىنا اينالىپ كەتەدى. بىلۋىمىزشە, ول كولىك يەلەرىنەن اقشا الىنادى, بىراق تا لون بەرىلمەيدى دەپ كۇيىنەدى «قازىعۇرت» شاعىن اۋدانىنىڭ تۇرعىنى, تىل ارداگەرى ب.قالدىبەكوۆ.
شىنىندا, بۇل بازار ماڭىندا قالىپتاسقان قيىن احۋال تۋرالى تۇرعىندار بىرنەشە مارتە ارىزدانىپ, بۇل داۋدى اقپارات قۇرالدارى بىرنەشە مارتە جازدى. بىراق, ءبارى جارعا سوققان جاڭعىرىقتاي ءۇنى ۇڭگىردەن شىقپاي, ەشكىم قۇلاق اسپاي جاتىر. بىلايشا ايتقاندا, بۇعان الاڭداپ جۇرگەن جەرگىلىكتى بيلىك جوق. الدە باۋدىڭ ورنىندا تۇرعان بازاردىڭ ارتىندا بىرەۋلەردىڭ مۇددەسى تۇر ما؟
ورالحان ءداۋىت,
«ەگەمەن قازاقستان».
وڭتۇستىك قازاقستان وبلىسى.
كوللاجدى جاساعان امانگەلدى قياس.