ەرلىك – ەنشىسى, دوستىق – ەلشىسى بولعان سۇلتان ەركىمباەۆتىڭ ەسىمىن ۋكرايندىقتار قاستەرلەيدى
نەبارى 19 جاسىندا قىرشىن كەتكەن سۇلتان ەركىمباەۆتىڭ سۇيەگى سوناۋ ۋكراينانىڭ حاركوۆ وبلىسىنداعى يزيۋمسكي اۋدانى, ستۋدەنوك جانە ەرەموۆكا سەلولارىنىڭ باۋىرلاستار زيراتىندا جاتىر. ول 1943 جىلى وسىندا ەرلىكپەن قازا تاپقان بولاتىن. ۇلى وتان سوعىسى تۋرالى قانشا كىتاپ جازىلسا دا ءالى دە بەتى اشىلماعان ەرلىك, كەيىنگى ۇرپاعىنا جەتە الماي جاتقان بوزداقتار جەتكىلىكتى. وبلىستاعى بىلىكتى شارۋاشىلىق ۇيىمداستىرۋشىلاردىڭ ءبىرى, ەڭبەك ارداگەرى ومىرزاق يحتيلياپوۆتىڭ پەرزەنتتىك جانە ازاماتتىق ءىسىنىڭ ارقاسىندا جۇرتشىلىق سوعىستا قىرشىن كەتكەن بوزداق سۇلتان ەركىمباەۆ تۋرالى كوپتەگەن اقپاراتتارعا قانىقتى. سۇلتان – ومىرزاق بەكدىلدا ۇلىنىڭ تۋعان ناعاشىسى, سوندىقتان ول سوڭعى 7-8 جىلدا تىندىرعان ءىسىنىڭ بارلىعىن دا عۇمىر بويى ءىنىسىن جوقتاپ, اڭىراپ وتكەن اناسى الدىنداعى پەرزەنتتىك بورىشىم دەپ بىلەدى. ال سۇلتاننىڭ قايتىپ ورالۋى تۇتاس ەلدىڭ, جاس ۇرپاقتىڭ قۋانىشى ەكەنى ايان.
ەرلىك – ەنشىسى, دوستىق – ەلشىسى بولعان سۇلتان ەركىمباەۆتىڭ ەسىمىن ۋكرايندىقتار قاستەرلەيدى
نەبارى 19 جاسىندا قىرشىن كەتكەن سۇلتان ەركىمباەۆتىڭ سۇيەگى سوناۋ ۋكراينانىڭ حاركوۆ وبلىسىنداعى يزيۋمسكي اۋدانى, ستۋدەنوك جانە ەرەموۆكا سەلولارىنىڭ باۋىرلاستار زيراتىندا جاتىر. ول 1943 جىلى وسىندا ەرلىكپەن قازا تاپقان بولاتىن. ۇلى وتان سوعىسى تۋرالى قانشا كىتاپ جازىلسا دا ءالى دە بەتى اشىلماعان ەرلىك, كەيىنگى ۇرپاعىنا جەتە الماي جاتقان بوزداقتار جەتكىلىكتى. وبلىستاعى بىلىكتى شارۋاشىلىق ۇيىمداستىرۋشىلاردىڭ ءبىرى, ەڭبەك ارداگەرى ومىرزاق يحتيلياپوۆتىڭ پەرزەنتتىك جانە ازاماتتىق ءىسىنىڭ ارقاسىندا جۇرتشىلىق سوعىستا قىرشىن كەتكەن بوزداق سۇلتان ەركىمباەۆ تۋرالى كوپتەگەن اقپاراتتارعا قانىقتى. سۇلتان – ومىرزاق بەكدىلدا ۇلىنىڭ تۋعان ناعاشىسى, سوندىقتان ول سوڭعى 7-8 جىلدا تىندىرعان ءىسىنىڭ بارلىعىن دا عۇمىر بويى ءىنىسىن جوقتاپ, اڭىراپ وتكەن اناسى الدىنداعى پەرزەنتتىك بورىشىم دەپ بىلەدى. ال سۇلتاننىڭ قايتىپ ورالۋى تۇتاس ەلدىڭ, جاس ۇرپاقتىڭ قۋانىشى ەكەنى ايان.
ءبىز سۇلتان ەركىمباەۆتىڭ رەسەيدىڭ قورعانىس مينيسترلىگى ارحيۆىنەن تابىلعان ەرلىك ىستەرى جونىندە كەزىندە «ەگەمەن قازاقستان» گازەتىنىڭ وقىرماندارىن قۇلاعدار ەتكەن بولاتىنبىز. اڭگىمە بارىسىندا حاركوۆ ءۇشىن جان الىسىپ, جان بەرىسكەن شايقاس وتكەن جەردە ومىرزاق بەكدىلدا ۇلىنىڭ باستاماسى جانە دەمەۋشىلىگىمەن سۇلتانعا ارناپ ەسكەرتكىش بەلگى ورناتىلعانى جونىندە دە ايتقانبىز. يزيۋمسكي اۋدانىنىڭ ستۋدەنوك سەلوسىنداعى ورتا مەكتەپتەن ءبىر توپ وقۋشىلار سۇلتاننىڭ تۋعان جەرى ناۋىرزىم اۋدانىنا كەلىپ, قازاق حالقىنىڭ سالت-ءداستۇرىن, باتىردىڭ تۋعان جەرىنىڭ تابيعاتىن تاماشالاپ قايتتى. ال باتىر وقىعان اۋليەكول اۋدانىنداعى مەكتەپتەن ءبىر توپ بالا سۇلتان ماڭگى تىنىستاپ جاتقان جەرگە بارىپ كەلگەن. ونىڭ بارلىعىن دا ومىرزاق اعا ءوزى دەمەۋشىلىك جاساپ, ۇيىمداستىردى. جاقىندا ول وتباسىن, جولداستارىن جانە جەرگىلىكتى ءباسپاسوز وكىلىن ەرتىپ, سۇلتان جاتقان باۋىرلاستار زيراتىنا تاعزىم ەتۋ ءۇشىن ۋكراينا جەرىنە تاعى دا بارىپ قايتتى.
– ۇلى وتان سوعىسىنان كەيىن اۋىلدىڭ جىلاپ-سىقتاعانىن كورىپ وسكەن بالامىن. انام قاشان كوزى جۇمىلعانشا جالعىز ءىنىسىن سۇلتانىم دەپ اڭساۋمەن وتكەن ەدى. «جانازا دا بۇيىرمادى, اتىڭدى دا ەشكىم اتامايتىن بولدى-اۋ» دەپ جىلايتىن, جارىقتىق. جەڭىستىڭ 60 جىلدىعى اتالعان تۇستا مەن دە وسى ناعاشىمنىڭ سۇيەگى قاي جەردە قالعانىن, قانداي باۋىرلاستار زيراتىندا جەرلەنگەنىن ءبىلۋ ماقساتىمەن ىزدەستىرگەنمىن. پودولسكىدەگى ارحيۆتەن كەلگەن قۇجاتتار انامنىڭ ايتاتىنىنداي, سۇلتان ناعاشىمنىڭ «جاي سۇلتان» ەمەستىگىن, ونىڭ باتىر سۇلتان ەكەنىن پاش ەتتى. 263-ءشى ديۆيزياعا قاراستى 997-ءشى اتقىشتار پولكىنىڭ ارنايى مەرگەندەر روتاسىنىڭ مەرگەنى بولعان ول بىرنەشە رەت كورسەتكەن ەرلىگى ءۇشىن «زا بوەۆىە زاسلۋگي» مەدالىمەن, «قىزىل جۇلدىز» وردەنىمەن, ءوزىنىڭ ەسىمى جازىلعان ارنايى قارۋمەن جانە قازا تاپقاننان كەيىن ءى دارەجەلى ۇلى وتان سوعىسى وردەنىمەن ناگرادتالعان. ارحيۆ قۇجاتتارىندا ونىڭ جۇزگە تارتا ءفاشيستىڭ كوزىن جويعاندىعى ايتىلعان. سوندا 19 جاسىنا دەيىن عالامات ەرلىك كورسەتىپ, وسى ناگرادالاردىڭ بارلىعىن الىپ ۇلگەرگەن. سۇلتان مەنىڭ ناعاشىم عانا ەمەس, ءبىزدىڭ حالىقتىڭ ماقتانىشى, كەيىنگى ۇرپاقتىڭ ەرلىك ۇلگىسى بولسىن دەپ, ءبىراز جۇمىس جاسادىم. ەندى, ءبىز دە الپىستان اسىپ كەتتىك, ناعاشىمنىڭ باسىنا تاعى ءبىر رەت بارىپ, قۇران باعىشتاۋدى ءجون كوردىم, – دەدى ومىرزاق يحتيلياپوۆ ۋكرايناعا بارعان ساپارى تۋرالى.
1943 جىلى حاركوۆ ءۇشىن بولعان الاپات مايداند