بۇگىن, 17 ساۋىردە الماتىدا كوروناۆيرۋستىق ينفەكتسيانى جۇقتىرۋدىڭ راستالعان 461 جاعدايى تىركەلدى.
ىندەت جۇقتىرعاندار قاتارىنا تاعى دا 63 ادام قوسىلدى, ونىڭ ىشىندە 2004 جىلى تۋىلعان بالا بار.
ناۋقاستار ىشىندە ورتالىق قالالىق كلينيكالىق اۋرۋحانانىڭ 10 مەديتسينا قىزمەتكەرى, وسى ستاتسيوناردىڭ جرۆي بەلگىلەرى بار ەكى پاتسيەنتى, مەديتسينالىق جەدەل جاردەم قىزمەتىنىڭ 1 جۇمىسكەرى, №7 قالالىق كلينيكالىق اۋرۋحانانىڭ 2 قىزمەتكەرى, №12 قالالىق ەمحانانىڭ 2 قىزمەتكەرى, الماتى كوپبەيىندىك كلينيكالىق اۋرۋحاناسىنىڭ ەكى قىزمەتكەرى جانە وقشاۋلاۋ ايماعىنداعى ۆيرۋسى بار اداممەن بايلانىستا بولعان 44 ادام, ونىڭ 21-ىندە جرۆي, پنەۆمونيا بەلگىلەرى بار.
بۇگىنگى كۇنى مەگاپوليستىڭ جۇقپالى اۋرۋلار ستاتسيونارلارىندا الماتى وبلىسىنان ناۋقاس ايەلدى ەسەپكە الا وتىرىپ, 392 ادام كوروناۆيرۋستىق ينفەكتسيادان ەمدەلۋدە.
ءبىر پاتسيەنتتىڭ جاعدايى – وتە اۋىر, 4-ۋىندە – اۋىر, 92 ادامدا (ولاردىڭ ىشىندە وبلىستان دا پاتسيەنت بار) – ورتاشا اۋىر, 295-ىندە – قاناعاتتانارلىق.
سوvid-19 دياگنوزى بار مەديتسينا قىزمەتكەرلەرىنىڭ جالپى سانى 234 ادام, ونىڭ ىشىندە ورتالىق قالالىق كلينيكالىق اۋرۋحانانىڭ 193, بالالار قالالىق كلينيكالىق جۇقپالى اۋرۋلار اۋرۋحاناسىنىڭ 31, №7 قالالىق كلينيكالىق اۋرۋحانانىڭ 2, مەديتسينالىق جەدەل جاردەم قىزمەتىنىڭ 3, №12 قالالىق ەمحانانىڭ 3 مەديتسينا قىزمەتكەرى جانە №11 مەن №32 قالالىق ەمحانالاردىڭ ءبىر-بىردەن قىزمەتكەرى بار.
پروۆيزورلىق گوسپيتالداردا 356 ادام, ونىڭ ىشىندە 18-ءى بالا, كارانتيندىك وقشاۋلاۋدا 422 ادام, ونىڭ ىشىندە 7-ءى بالا, ءۇي جاعدايىنداعى كارانتيندە 7992 ازامات بار.
الماتى