ەلىمىزدە تازا ەنەرگيانى دامىتۋ جونىندەگى اگەنتتىك قۇرۋ ماسەلەسى قاراستىرىلۋدا. بۇل تۋرالى بۇگىن«ەۋرازيا ءححى عاسىردا: جاڭارۋ ارقىلى جەتەكشىلىك» تاقىرىبىندا دامۋشى نارىقتاردىڭ ەكىنشى ەۋرازيالىق فورۋمىندا مەملەكەت باسشىسى نۇرسۇلتان نازارباەۆتىڭ ايتقان دەرەگىنە سۇيەنىپ, «قازاقپارات» اگەنتتىگى حابارلادى.
جيىندا ەلباسى مىنا ماسەلەگە ايرىقشا نازار اۋداردى:«بىرىنشىدەن, تازا ەنەرگيانى دامىتۋ جونىندەگى اگەنتتىك قۇرۋ, ەكىنشىدەن, بالاما ەنەرگيا جوبالارىن قولداۋ جونىندەگى قور قۇرۋ, ۇشىنشىدەن, ەنەرگيا سەرۆيستىك كومپانيالار قۇرۋدى قامتاماسىز ەتۋ, تورتىنشىدەن, ەنەرگيا ۇنەمدەۋ ءۇشىن شارۋاشىلىق سۋبەكتىلەرىن ىنتالاندىرۋ قاجەت».
وسى جۇمىستاردى ءتيىمدى اتقارۋ ءۇشىن «ەنەرگيا تيىمدىلىگى كوشباسشىسى» جوباسىن ازىرلەۋ قاجەتتىگى تۋىنداپ وتىر. سوندىقتان جاقىن ارادا بۇل باعىتتاعى جۇمىستار قولعا الىناتىن بولادى.