الماتىدا 13 ءساۋىر كۇنى بۇل ايەل جۇكتىلىكتىڭ 39-شى اپتاسىندا ۆيرۋس جۇقتىرعاندارمەن بايلانىستا بولعان ادام رەتىندە №1 قالالىق كلينيكالىق اۋرۋحاناسىنا جەتكىزىلگەن ەدى.
وكىنىشكە وراي, ىندەتكە قارسى تالداۋلار الىنعان كەزدە, وڭ ناتيجە بەرگەن بولاتىن. 15 ساۋىردە دارىگەرلەر تالداۋ كورسەتكىشتەرى بويىنشا وعان كەسار وپەراتسياسىن جاساپ, بوساندىردى. ناتيجەسىندە سالماعى 3,5 كيلودان اساتىن بالپاناقتاي بالا دۇنيەگە كەلدى. بۇل پاتسيەنتتىڭ ەكىنشى بالاسى.
«جاڭا تۋعان نارەستەدەن دە بىردەن الىنعان تالداۋلار تەرىس ناتيجە كورسەتتى. جاڭا تۋعان نارەستەنىڭ دەنى ساۋ. قازىر ول بالالار بولىمشەسىندە جاتىر», – دەدى الماتى قالاسى قوعامدىق دەنساۋلىق باسقارماسىنىڭ باسشىسى تىلەۋحان ابىلداەۆ.
قازىر اناسىنىڭ جاعدايى جاقسى, ول جاقىن ارادا ەمدەۋدى جالعاستىرۋ ءۇشىن ينفەكتسيالىق ستاتسيونارعا اۋىستىرىلادى.
پاتسيەنت Covid-19-دان ساۋىعىپ, جازىلعان كەزدە ۇلىمەن بىرگە بولادى.
№1 قالالىق كلينيكالىق اۋرۋحانا پروۆيزورلىق ورتالىق بولىپ تابىلاتىنىن اتاپ وتكەن ءجون. وندا كۆي دياگنوزى بار جۇكتى ايەلدەردىڭ بوسانۋى تىكەلەي قابىلدانۋدا.
الماتى