«اتامەكەن» ۇكپ جەدەل شتابىنىڭ قۇرىلۋىنىڭ العاشقى كۇنىنەن باستاپ 32 مىڭنان استام حابارلاما كەلىپ ءتۇستى. بۇل تۋرالى «اتامەكەن» ۇلتتىق كاسىپكەرلەر پالاتاسىنىڭ باسقارما توراعاسىنىڭ ورىنباسارى ەربول ۇستەمىروۆ مالىمدەدى.
«اتامەكەن» ۇكپ جەدەل شتابىنىڭ قۇرىلۋىنىڭ العاشقى كۇنىنەن باستاپ ءتۇرلى سالالارداعى جاعدايدى تالداۋ, كاسىپكەرلەرگە توتەنشە جاعداي رەجىمى كەزىندە قابىلدانعان تىيىم سالۋ مەن شەكتەۋ شارالارىنىڭ سالدارىن مەيلىنشە ازايتۋعا مۇمكىندىك بەرەتىن ۇسىنىستاردى قاراستىرۋ جانە ءتىزىم جاساۋ جۇمىستارى باستالدى. جالپى العاندا, جەدەل شتابقا 32 مىڭنان استام حابارلاما كەلىپ ءتۇستى, ونىڭ ىشىندە كولل-ورتالىققا سوعىلعان قوڭىراۋلار دا بار. ساۋالداردىڭ باسىم كوپشىلىگى جۇمىسپەن قامتۋ جانە سالالارعا قاتىستى بولدى» دەدى باسقارما توراعاسىنىڭ ورىنباسارى.ونىڭ ايتۋىنشا, تۇسكەن ارىز-شاعىمداردىڭ 74 پايىزىندا جۇمىسپەن قامتۋ پروبلەمالارى, ونىڭ 54 پايىزى قىزمەتكەرلەردىڭ مەرزىمسىز دەمالىسقا شىعۋىمەن بايلانىستى بولسا, 20 پايىزى جۇمىسشىلاردىڭ قىزمەتىنەن قىسقارۋىنا قاتىستى بولعان.«سونىمەن بىرگە وتىنىشتەردىڭ 86 پايىزىندا قارجىلىق جاعدايمەن بايلانىستى بولسا, ونىڭ 59 پايىزى جالداۋ اقىسىن, ال 22 پايىزى ەڭبەك اقى تولەۋ بويىنشا مىندەتتەمەلەر, سونداي-اق 5 پايىزى كوممۋنالدىق قىزمەتتەردى تولەۋ بويىنشا ماسەلەلەردى كوتەرگەن. حابارلاسقان كاسىپكەرلەر ءوتىنىشىنىڭ 31 پايىزى نەسيەنى تولەۋ مەرزىمىن كەيىنگە قالدىرۋدى سۇراسا, 33 پايىزى فورس-ماجور جاعدايىن مويىنداعان, ال 28 پايىزى سالىق جەڭىلدىكتەرىن ۇسىنۋدى قالاسا, 8 پايىزى ەڭبەك رەسۋرستارىن قولداۋدى سۇراعان» دەدى ول.