كۇنى كەشە ساۋد ارابيانىڭ استاناسى - ەر-ريادتا ەلدى ەرەكشە ەلەڭ ەتكىزگەن ەرسىلەۋ ءبىر وقيعا ورىن الدى. مال باعۋمەن اينالىساتىن ءبىر كىسى ءوز ارىپتەسىنەن اشا تۇياقتى ءۇي جانۋارىن بۇرىن ادام بالاسىنىڭ قۇلاعى ەستىمەگەن باعاعا ساتىپ الدى.
بۇقارالىق اقپارات قۇرالدارىنىڭ جازۋلارىنشا, بۇل ەشكىنىڭ ساۋداسى 13 ملن. رەالعا (3,5 ملن دوللار شاماسىندا) توڭىرەگىنەن قايتقان. وسىنداي ادام ويىنا كەلمەيتىن ساۋدا-ساتتىقتىڭ اقپاراتى زاماتىندا كۇللى الەمگە تاراپ كەتتى. Muslim.kz سايتىنىڭ جازۋىنشا, مىڭداعان بلوگەرلەر باعاسى شارىقتاعان ەشكى مەن كەلىسىمشارتتا كورسەتىلگەن بانك شوتىنىڭ فوتوسۋرەتىن ءوز سايتتارىندا ورنالاستىرىپ, وقىرماندارىنىڭ الدىندا ۇپاي جيناپ الەك بولدى.
ءجون-جوسىقتى بىلەتىن ساراپشىلاردىڭ سوزدەرىنە قاراعاندا, بۇل ەشكى ءجاي ەشكى ەمەس, ناعىز سيرەك كەزدەسەتىن اسىل تۇقىمدى مال كورىنەدى. سوندىقتان ونىڭ باعاسى دا وسىلاي شارىقتاپ كەتىپتى-ءمىس. نە دەگەندە دە, باسقا قونبايتىن بايىپسىز باعا!
سۇلتان بوزايعىر.