ساۋد ارابياسىنىڭ بيلىگى سيريا پرەزيدەنتى باشار اسادتىڭ اسكەرىمەن كۇرەسۋ ءۇشىن ءولىم جازاسىنا كەسىلگەن 1,3 مىڭعا جۋىق تۇتقىن جىبەردى. بۇل تۋرالى USA Today گازەتىنىڭ ەلەكتروندى نۇسقاسىندا بەرىلگەن اقپارعا سىلتەمە جاساعان يتار-تاسس حابارلادى.
ۇستىمىزدەگى جىلدىڭ ءساۋىر ايىندا ساۋد ارابياسى ىشكى ىستەر مينيسترلىگى ءولىم جازاسىنا كەسىلگەن 1239 تۇتقىنعا ۇسىنىس بىلدىرگەن بولاتىن. ۇسىنىس بويىنشا, سيرياداعى اسكەري قيمىلدارعا قاتىسقاندارى ءۇشىن تۇتقىندارعا كەشىرىم بەرىلىپ, ولاردىڭ وتباسىلارىنا اي سايىن اقشا تولەنەدى.
سيرياعا جىبەرىلگەن تۇتقىنداردىڭ ىشىندە اۋعانستان, مىسىر, يراك, يوردانيا, پاكستان, سومالي, سيريا, كۋۆەيت جانە يەمەن ازاماتتارى بار كورىنەدى. ولاردىڭ بارلىعى دا كىسى ءولىمى, زورلاۋ نەمەسە ەسىرتكى تاراتۋ قىلمىستارى بويىنشا ساۋد ارابياسىندا ءولىم جازاسىنا كەسىلگەن.
ايدار ورىسباەۆ.